Jambylda Memleket basshysynyń tapsyrmalary oryndalýda

Memleket basshysy Qasym-Jomart Toqaevtyń el aldyna qoıǵan mindetterin jambyldyqtar da qoldaıdy. Baızaq aýdanynyń aktıvimen kezdesken oblystyq aqparattyq top músheleri mańyzdy qujatty jan-jaqty talqylady.

Aýdan ákiminiń orynbasarlary, máslıhat depýtattary, aýyldyq okrýgter ákimderi, aýdan ákimdiginiń bólimderi, quqyq qorǵaý organdary, bilim berý, densaýlyq saqtaý mekemeleriniń basshylary, etno-mádenı ortalyqtar, úkimettik emes uıymdar, buqaralyq aqparat quraldary ókilderiniń qatysýymen el Prezıdenti Q.Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn túsindirýge arnalǵan ıdeologııalyq aktıv jınalysyna aýdan ákimi Nurjan Nurjigitov moderatorlyq jasady.

Nurjan Moldııaruly Prezıdent qýatty memleket quryp, damýdyń jańa kezeńine aıaq bastaıtyn bes mindetti usynǵanyn atap ótip, Joldaýdan týyndaıtyn osy mindetterdi turǵyndarǵa keńinen túsindirý maqsatynda, aýdanymyzdyń 9 eldimekeninde oblystyq aqparattyq top músheleri jumysyn bastap ketkenin jetkizdi. Sondaı-aq atalmysh basqosýǵa oblystyq aqparattyq top músheleri, «Jańarý» qoǵamdyq birlestiginiń Jambyl oblystyq fılıalynyń tóraǵasy Qasymhan Tólendıev pen oblys ákimdigi týrızm basqarmasynyń basshysy Qarlyǵash Aralbekova qatysyp otyrǵanyn aıtty.

Jumys reglamenti bekitilgen soń «Jańarý» qoǵamdyq birlestigi oblystyq fılıalynyń tóraǵasy Qasymhan Tólendıev baıandama jasady. Qasymhan Estemesuly baıandamasynda Qazaqstan Respýblıkasynyń Prezıdenti Qasym-Jomart Toqaevtyń alǵash jarııalaǵan Joldaýyndaǵy negizgi bes mindetke jeke-jeke toqtaldy. Sonyń ishinde, halyqpen tıimdi dıalog ornatý máselesine erekshe mán berdi. Jergilikti turǵyndar kóterip otyrǵan máselelerdi zerdelep, halyqpen keri baılanys ornatý, atqarýshy organdar jumysynyń tártibin júıelendirý jáne onyń tıimdiligin arttyrý maqsatynda óńir basshysy Asqar Myrzahmetovtiń ókimimen jergilikti atqarýshy organdar jumysynyń algorıtmi bekitilgenin tilge tıek etti. Júrgizilgen zerdeleý jumystarynyń nátıjesinen birqatar mysaldar keltirdi. Sonymen qatar, qazaq tiliniń rólin kúsheıtý, úkimettik emes uıymdardyń bedelin arttyrý, Táýelsizdiktiń 30 jyldyq merekesi jáne halqymyzdyń maqtanyshtary ál-Farabıdiń 1150 jyldyq, Abaı Qunanbaevtyń 175 jyldyq mereıtoılaryna oraı, aldaǵy ýaqytta túrli deńgeıdegi is-sharalar uıymdastyrý, mıtıngter týraly zańnamany jetildirý,

qoǵamdyq kelisimdi nyǵaıtý, sybaılas jemqorlyq, ınternet keńistiginde jumystar júrgizý tártibi de baıandamashynyń nazarynan tys qalmady.

Budan soń óz baıandamasyn jasaǵan oblys ákimdigi týrızm basqarmasynyń basshysy Qarlyǵash Aralbekova Memleket basshysy Joldaýynda kórsetilgen bıznesti qoldaý, týrıstik ınfraqurylymdy damytý baǵyttaryna basymdyq berdi. Oblys aýmaǵynda osy baǵyttaǵy atqarylyp jatqan birqatar isterdi atap ótip, jıyn moderatory, aýdan ákimi Nurjan Nurjigitovke birneshe tıimdi usynystar jasady.

Aýdan basshysy Nurjan Moldııaruly aktıv jıynyna qatysýshylardy Prezıdent Joldaýyndaǵy mindetterdi birlese otyryp, júzege asyrýǵa shaqyrdy.