• USD 378.65
  • EUR 430.07
  • RUB 6
  • CNY 55.1
23 Qyrkúıek, 16:08:11
Kekilbaevqa arnalǵan kesh

09 Qyrkúıek, 2019 Aımaqtar

Tarazda turǵyn úı sketoryndaǵy órt qaýipsizdigi aılyǵy ótýde

О́rtterdiń eń kóp sany turǵyn úı sektorynda bolady. Máselen, Taraz qalasy aýmaǵynda aǵymdaǵy jyldyń 9 aıynda 192 órt tirkelse, onyń 105 turǵyn úı sektorynda oryn alǵan. О́rtterdin negizgi shyǵý sebepteri –elektroqondyrǵylardy montajdaý jáne paıdalaný kezinde órt qaýipsizdigi erejelerin saqtamaý, turǵyndardyń otpen abaısyzdyǵy, peshterdi qoldaný kezinde órt qaýipsizdigi erejelerin saqtamaý, balalardyń otpen oınaýy.

Osyǵan oraı, «О́rt qaýipsizdigi aılyǵynyń» aıasynda qala Tótenshe jaǵdaılar basqarmasynyń, Jambyl oblysy О́rt sóndirý jáne avarııalyq qutqarý qyzmeti, «QazTransGazAımaq» aksıonerlik qoǵamynyń qyzmetkerleri jáne «Jibek joly» belsendi jastary volonterlarymen birlese otyryp, turǵyn úı sektoryndaǵy senbilik ótkizildi.

О́rt qaýipsizdigi aılyǵyn ótkizýdiń maqsaty – halyq, jurtshylyq arasynda órt qaýipsizdigi erejesiniń turmystyq, kúnde qoldanystaǵy qarapaıym talaptaryn saqtaý boıynsha úgit-nasıhat jumystaryn júrgize otyryp, órttiń aldyn alý, boldyrmaý, adam ólimine jol bermeý jáne tárbıelik túsindirý. Profılaktıkalyq is-sharalardy ótkizý kezinde áleýmettik qaýip-qater tobyndaǵy adamdardyń turǵylyqty jeri boıynsha reıdter ótkizildi. Olardyń ishinde, halyqtyń az qamtylǵan toptary, turmysy nashar otbasy, kóp balaly otbasylarmen jumystarǵa basa nazar aýdaryldy.

Turǵyn úılerdi aralaý kezinde turǵyndarǵa túsinik jumystary jáne kóp páterli turǵyn úılerde qaýipsizdik erejelerin saqtaý boıynsha profılaktıkalyq áńgimelesýler júrgizildi. Sonymen qatar, halyqqa ázirlengen órt qaýipsizdigi boıynsha jadnamalar taratyldy.

Árqashan tek órttiń ǵana emes, sonymen qatar, ıisti gazdyń da úlken qaýip tóndiretinin eskere otyryp, órt nemese ıisti gazben ýlanýdy boldyrmas úshin negizgi qaýipsizdik erejelerin oryndaý talaptary eskertildi. Kóppáterli úılerdiń dálizderine órt qaýipsizdigi taqyrybyndaǵy aqparattyq stendter ornalastyryldy. Sonymen qatar, reıd barysynda qyzmetkerler ata-analardyń balalardyń otpen oınaýyna jol bermeýin nazar aýdardy.

Turǵyndar órt profılaktıkasyna oń kózben qarap, órt qaýipsizdigi qaǵıdalarynyń nusqaýyna belsene qatysty, kóptegen azamattar órt qaýipsizdigine qatysty suraqtar qoıyp, olarǵa bilikti jaýaptar aldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir