• USD 468.56

  • EUR 497.56

  • RUB 7.3

  • CNY 67.18

29 Naýryz, 11:59:05
Almaty
+35°

Oblys ákimdiginde aımaq basshysy Asqar Myrzahmetovtyń tóraǵalyǵymen ótken jıynda memlekettik-jekemenshik áriptestik aıasyndaǵy jobalar jaıy qaraldy. Onda ekonomıka jáne bıýdjettik josparlaý basqarmasynyń basshysy Gúldana Jaýynbekova baıandama jasap, atqarylyp jatqan jumystar barysyna toqtaldy.

Jyl basynda aımaq basshysynyń tapsyrmasyna sáıkes memlekettik-jekemenshik áriptestik aıasyndaǵy jobalardyń biryńǵaı bazasyn qurý tapsyrylǵan bolatyn. Osy oraıda 238 jobanyń tizilimi túzilgen. Búginde onyń 63 jobasy boıynsha jumystar júrgizilýde desek, 42 joba jyl sońyna deıin tolyǵymen aıaqtalady dep kútilýde. Bular – áleýmettik saladaǵy nysandar. Osy jobalardyń 39-y bilim salasyna qatysty. Dálirek aıtqanda mektepterdegi ashanalardaǵy qyzmet kórsetý barysyn memlekettik-jekemenshik aıasynda júzege asyrý bolyp tabylady. Basqarma basshysynyń aıtýynsha, onyń ózindik tıimdilikteri bar. Bul oraıda jyl saıyn konkýrs oınatylmaı, bir konkýrs jeńimpazdarymen 3 jyldan 30 jylǵa deıingi aralyqta turaqty kelisim shart ornatylmaq. Jeńimpaz oqýshylardy tek ystyq tamaqpen qamtyp qana qoımaı, ashananyń jabdyǵyn jańalap, ǵımaratyn jóndep otyrýdy da óz mindetine almaq.

Aıta keteıik, bul oraıda aldymen oblystaǵy barlyq mektep ashanalaryna taldaý jasalynyp, jabdyǵy tozǵan, jóndeýdi qajet etetin ashanalar tańdap alynǵan. Nátıjesinde jańǵyrtýdy qajet etetin 198 ashanaǵa anyqtalǵan. Osyny eskergen Asqar Isabekuly memlekettik-jekemenshik áriptestik aıasynda aǵymdaǵy jyly jobasy júrgiziletin ashanalardyń sanyń eseleý kerektigine kóńil bólip, bul baǵyttaǵy barlyq tetikterdi iske qosýdy atap aıtty. О́ńir basshysy konkýrs kelisimshartynda eki taraptyń mindettemelerin tıisinshe naqtylaýdyń mańyzdylyǵyn atap ótti. Oǵan qoǵamdyq komıssııalardy da tartý jaıy da aıtyldy. Sondaı-aq, ystyq tamaqtyń úzdiksiz berilýin, tamaq sapasyna tekseris únemi uıymdastyrylyp otyrylýyn qadaǵalaýdy tapsyrdy.

Basqosýda memlekettik-jekeshelik áriptestik aıasyndaǵy sport, densaýlyq saqtaý, turǵyn-úı sharýashylyq, týrızm salasyndaǵy jobalar da qaralyp, júzege asý barysy saralandy. Jıyn qorytyndysymen jaýapty tulǵalarǵa naqty tapsyrmalar júkteldi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir