• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:21:06
Qazaqstanda másele sheshilý úshin aldymen adam ólý kerek

09 Qyrkúıek, 2019 Aımaqtar

Tarazdyq polıseıler kezekti ret halyqqa esep berý kezdesýin ótkizdi

Jambyl oblysy Polısııa departamentiniń bastyǵy bekitken kestege sáıkes, Taraz qalasy Polısııa basqarmasynyń bastyǵy Ardaq Madımarov aǵymdaǵy jyldyń segiz aıynyń jumys qorytyndysy boıynsha oblys ortalyǵynyń polısııa bólinisteriniń barlyq basshylary qatysqan halyqpen kezekti kezdesýin ótkizdi.

Esep berý jıyny barysynda polısııa polkovnıgi A. Madımarov ótken jyldyń osy kezeńimen salystyrǵanda qylmystardyń jalpy sany 14%-ǵa, onyń ishinde asa aýyr qylmystar - 6,9%-ǵa, aýyrlyǵy ortasha qylmystar-22,9%-ǵa jáne onsha aýyr emes qylmystar - 9,9%-ǵa, sondaı-aq 40%-ǵa kisi óltirý, 23,1% -ǵa tonaý, buzaqylyq derekteriniń sany 18,6%-ǵa tómendegenin, sonymen qatar qaraqshylyq shabýyl jasaǵany úshin eki uıymdasqan qylmystyq top ustalǵanyn aıtty.

2019-2020 jyldarǵa arnalǵan urlyqqa qarsy áreket etý boıynsha vedomstvolyq baǵdarlamany oryndaý sheńberinde urlyq derekteri sanyn 21,1%-ǵa azaıtýǵa qol jetkizildi. 35-ten astam urlyq oqıǵasyn jasaǵan alty qylmystyq top quryqtaldy.

Sońǵy ýaqytta avtokólikterden akkýmýlıatorlardy urlaýǵa tıimdi tosqaýyl qoıylýda, atalǵan quqyq buzýshylyqtar boıynsha 45 adam anyqtaldy. Uıaly telefondardy urlaý men qalta urlyǵyn jasaǵany úshin tek oblys ortalyǵynda 160-tan astam adam ustaldy. Sondaı-aq, mal urlyǵynyń toǵyz deregi anyqtalyp ashyldy, onyń ishinde bireýi - aýyr sanattaǵy qylmys.

Mundaı kórsetkishterge keshendi jedel-profılaktıkalyq, onyń ishinde «Ýchastok», «Quqyqtyq tártip», «Esepke alý», «Jasóspirim», «Otbasy jáne mektep», «Qaýipsiz jol», «Turmys» jáne t.b. is-sharalar nátıjesinde qol jetkizildi.

Kezdesý barysynda tarazdyqtar tarapynan kóterilgen máseleler az bolǵan joq, biraq kóbine olar jergilikti atqarýshy organdardyń jumysyna qatysty boldy. Iаǵnı kósheler men aýlalardy jaryqtandyrý, joldardy sapaly jóndeý jáne t.b. Máselen, «Myńbulaq» shaǵyn aýdanynyń turǵyny Lıýdmıla Sevrıýkova №21 úıdiń janyna jáne jaqyn mańdaǵy balabaqshaǵa baratyn kóshege jaryq pen jol kedergisin (lejachıı polıseıskıı) ornatýdy surady. Ol munda qozǵalys qarqyny joǵary, sondaı-aq keıbir júrgizýshiler jol qozǵalysy erejelerin saqtamaıdy. Bul jerde qaıǵyly oqıǵalar oryn alýy múmkin dep óz alańdaýshylyǵyn bildirdi.

Osyǵan uqsas ótinishpen №40 orta mekteptiń janynda kólik qozǵalysyn shekteý týraly «Talas» shaǵyn aýdanynyń turǵyny Roman Alıev málimdeme jasady.

Hadısha Ospanova Dostoevskıı kóshesi turǵyndarynyń atynan osy kóshe boıynsha jol qozǵalysyn bir jaqty jasaýdy, sebebi bul joldyń óte tar ekendigin aıtyp, ótinish bildirdi.

Valentına Vıdskaıa basqa másele boıynsha shaǵymdandy: ol Jubanyshev kóshesindegi kóp páterli úıde turady, al aýlada jaqyn mańda

ornalasqan Polıtehnıkalyq kolledjiniń stýdentteri jıi jınalyp, spırttik ishimdikter iship, shýlaıtynyna shaǵymdandy.

Barlyq aıtylǵan usynystar hattamaǵa engizilip, keıbireýlerine qatysty basqarma bastyǵy jaýapty tulǵalarǵa tıisti tapsyrmalar berdi. Kez-kelgen jaǵdaıda, birde-bir ótinish quqyqtyq tártip saqshylarynyń nazarynan tys qalmaıdy.

Taraz qalasy PB basqarmasynyń basshylyǵy oblys ortalyǵynyń turǵyndarymen osyndaı kezdesýlerdi toqsan saıyn ótkizedi. Sonymen qatar, basqarma bastyǵy Ardaq Madımarov oblys ortalyǵynyń turǵyndaryna kez-kelgen ýaqytta qońyraý shalýǵa bolatynyn aıtyp óziniń uıaly telefon nómirin usyndy. Sondaı-aq ol azamattardy jeke máseleleri boıynsha árkez qabyldaýǵa daıyn ekendigin bildirdi. Osyndaı ashyqtyq tarazdyqtardyń shynaıy rızashylyǵyn týdyryp, qalalyq polısııa basqarmasynyń basshysyna alǵystaryn aıtty. Qatysýshylar polısııa shyn máninde halyqqa jaqyn, osylaı bolýy kerek, erdiń sózi eki bolmas dep tarqasty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir