• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:38:58
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

09 Qyrkúıek, 2019 Aımaqtar

Halyq kúıshi-qobyzshynyń kesenesin kıe tutady

El arasynda nebári 15 jasynda ulylar aspaby qobyzdy sheber meńgerip, sońyna óshpes mura qaldyrǵan qazaq óneriniń sańlaǵy Yqylas Dúkenulynyń kesenesi búginde Jambyl oblysy aýmaǵynda halyq táý etip, tize búgetin qasıetti orynnyń biri sanalady. Sondyqtan da bolar eskertkish 2010 jyly Jambyl oblysynyń jergilikti mańyzy bar memlekettik tarıh jáne mádenıet eskertkishteriniń tizimine, al 2017 jyly «Qazaqstannyń kıeli jerleriniń geografııasy» jobasy aıasynda Qazaqstannyń óńirlik qasıetti nysandar tizimine alynǵan, dep jazady Qamshy.kz aqparat agenttigi. 

Bul eskertkish qazirgi Sarysý aýdany, Shyǵanaq aýylynyń mańyndaǵy Qýaral jazyǵynda ornalasqan. HIH ǵasyrdyń ortasynda qazirgi Qaraǵandy oblysy, Jańaarqa aýdanynda dúnıe esigin ashqan Yqylas Dúkenuly arǵy babalary da, óz atasy da sheber qobyzshy bolǵan. Ol ulylar aspabynyń kómegimen halyq kúıleri men Qorqyttyń kúılerin óz naqyshyna keltire oryndaı alǵan. 15 jasynda qobyzǵa qol sozǵan Yqylastyń túsine abyz aqsaqal kirip, qobyzshylyqty jeti urpaǵyna daryǵan qasıet ekenin sezdiredi. Rasynda keıinnen Yqylastyń Dúısebaı, Túsipbek, Aqynbaı esimdi uldarynyń da aty qobyzshylyqpen shyqqan. Negizinde tutas bir áýlettiń ataǵyna dúrkiretken Yqylastyń qobyzy qazir memlekettik murajaı qorynda saqtaýly. Bul qobyzdy buǵan deıin Yqylastyń uly Aqynbaıdyń Dáýlet esimdi balasynyń qolynda saqtalyp kelgen eken.

Yqylas halyq kúıleri men ataqty kúıshilerdiń kúılerin sheber oryndaýymen birge óz jadynanda tamasha kúıler shyǵarǵan. Onyń ishinde kúıshi ómir súrgen zamannyń keskin kelbetin sýrettegen «Kertolǵaý», «Jezkıik», «Qasqyr», «Jalǵyzaıaq» «Erden» sekildi shyǵarmalarynyń shoqtyǵy bıik. Sol sekildi qazaqtyń aýyz ádebıeti men ańyz-áńgimeleriniń keıipkerleriniń qıly taǵdyry arqaý bolǵa «Qabar Nazym», «Aıraýyq», «Qazan» sııaqty kúıleri de talǵamdy tyńdaýshylardyń júregine jol taba bilgen.

Búginde Jambyl jurtshylyǵynan bólek tutas qazaq kıe tutatyn Yqylas Dúkenulynyń kesenesi onyń qabiriniń basyna turǵyzylǵan. Qobyzshy kesenesi onyń 150 jyldyq mereıtoıyna arnap boı kótergen. Onyń qurylysynda monolıtti temir beton, kirpish, mármár, granıt sekildi qurylys materıaldary paıdalanylǵan. Keseneniń taǵy bir ereksheligi onyń tutas kompozısııasynyń qobyz pishinin berýinde bolyp otyr. Ǵımaratta uzyn dáliz ben ǵıbadat etýge arnalǵan birneshe shaǵyn bólmeler bar. Olardyń keıbiri qobyzshynyń mýzeıi retinde jabdyqtalǵan. Munda mármár tasqa qashalǵan kúıshiniń shyǵarmalarynyń ataýynda keziktirýge bolady.

Qazirgi tańda Taraz qalasyndaǵy Mádenıet úıi Yqylas Dúkenulynyń atymen atalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir