• USD 378.65
  • EUR 430.07
  • RUB 6
  • CNY 55.1
17 Qyrkúıek, 09:05:48
Qazaqstanda másele sheshilý úshin aldymen adam ólýi kerek

09 Qyrkúıek, 2019 Aımaqtar

Jambyldyń mádenı-rýhanı ómirinde jańalyq kóp

Jambylda «Rýhanı jańǵyrý» baǵdarlamasy aıasynda «Ǵıbratty óner kerýeni» mádenı-áleýmettik jobasy qolǵa alynǵan. Oblystyń mádenı salasyndaǵy aýqymdy joba halyqty salt-dástúr, toı-tomalaq ótkizýdiń jón-joralǵysy, jastar tárbıesiniń búgingi baǵyty syndy taqyryptarda aqparattandyrýdy kózdeıdi, dep jazady Qamshy.kz aqparat agenttigi. 

Oblystyń zııaly qaýym ókilderinen, ardagerler keńesinen belsendilerinen, din salasynyń mamandarynan, mádenı qyzmetkerler men tanymal azamattardan turatyn quralǵan kerýen oblys ortalyǵynan aldyn ala bekitilgen kestege saı aýyldarǵa jol tartýda. 100 adamnan turatyn kósh baǵyty ár aýdannyń eki iri aýylyna bet túzeıdi.

–Munda «Ǵıbratty óner kerýeni» jobasynyń qatysýshylary aýyl turǵyndarymen sal-dástúrdiń jastar tárbıesindegi róli, toı-tomalaqtardyń ónegelilik mán-mazmunyn arttyrý, din, qoǵam sanasynyń rýhanı jańǵyrýy tóńireginde oı bólisedi. Sondaı-aq jer-jerdegi ónerdiń umyt qalǵan eskit túrlerin damytý, sırek kezdesetin aspaptarda oınaıtyn talanttardy tanýda kerýen jumysynyń negizgi baǵyty,– deıdi oblys ákimdiginiń mádenıet, qujattama jáne arhıvter basqarmasynyń basshysy Dúısenáli Byqybaev.

Jalpy oblystyń mádenı rýhanı ómirinde Elbasynyń «Bolashaqqa baǵdar:rýhanı jańǵyrý», «Uly dalanyń jeti qyry» baǵdarlamalyq maqalalary aıasynda halyq óneriniń mol murasyn nasıhattaýǵa arnalǵan birqatar aýqymdy jobalar júzege asyrylýda. Máselen ótken jyly «Jambyl - meniń jaı atym, Halyq - meniń shyn atym» respýblıkalyq aıtysy alǵash ret aımaqtyq, aýdandyq deńgeıde irikteý syndarynan bastaý aldy. Sol sekildi «Áýlıeata boıaýlary», «Taraz sımfonııasy» klassıkalyq óner festıvali, «Talas tolqyndary», «Kóne Taraz kúmbiri» festıvalderiniń de mazmundyq deńgeıi joǵary boldy. Atalǵan sharalar qazaq halqynyń etnografııalyq janrdaǵy án-kúı, bılerin jańǵyrtyp qana qoımaı jas talanttardy tanyp, úlken sahnaǵa joldama berýimen erekshelenip jatyr.

О́tken jyly oblysta atalǵan baǵdarlamalyq maqaladan týyndaǵan mindetterdi iske asyrý maqsatynda 7 ulttyq jáne 30-dan astam aımaqtyq is-shara ótkizilgen bolatyn. Sol sekildi Kenen Ázirbaevtyń atyn ıelengen oblystyq fılarmonııanyń materıaldyq-tehnıkalyq bazasyn jetildirýge basa nazar aýdarylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir