Jambyldyqtarǵa terrorızmge qarsy turý negizderi úıretilýde

Jambyl oblysynyń Polısııa departamenti terrorıstik turǵydan osal nysandarǵa qatysty únemi tekserý jumystaryn júzege asyrýda. Sonymen qatar, ekstremızmge qarsy is-qımyl bólinisteriniń qyzmetkerleri turaqty negizde osy nysandardyń qyzmetkerlerin turǵyn-jaılardy qaraý tehnıkasyna oqytyp, jarylys qurylǵylaryn qaldyryp ketý múmkin bolatyn oryndardy anyqtaý boıynsha aldyn alý is-sharalaryn uıymdastyrýda.

Qazaqstan Respýblıkasynyń 1999 jylǵy 13 shildedegi «Terrorızmge qarsy is-qımyl týraly» № 416-I Zańynyń talaptaryn saqtaý maqsatynda terrorıstik turǵydan osal nysandardyń basshylary bıznes ókilderin shaqyra otyryp brıfıngter ótkizýde. Bul sharalar terrorıstik turǵydan osal obektilerdi terrorızmge qarsy qorǵaýdy qamtamasyz etý úshin arnaıy jáne quqyq qorǵaý organdarynyń jumysyna qoǵamnyń jáne bıznes-qaýymdastyqtyń oń kózqarastaryn, sondaı-aq obekt basshylarynyń (orta jáne iri bıznes) ár túrli menshik formalaryndaǵy obektilerdiń qaýipsizdigin jaqsartýǵa baǵyttalǵan tıisti sharalar qabyldaý qajettiligi týraly kózqarastaryn qalyptastyrýǵa baǵyttalǵan.

Aǵymdaǵy jyldyń basynan beri Qazaqstan Respýblıkasynyń «Ákimshili quqyq buzýshylyq týraly» Kodeksiniń 149-baby boıynsha, ıaǵnı terrorıstik turǵydan osal obektiniń terrorızmge qarsy qorǵalýyn qamtamasyz etý jáne qaýipsizdiginiń tıisti deńgeıin saqtaý jónindegi mindetterdi oryndamaý jáne (nemese) tıisinshe oryndamaý boıynsha ákimshilik jaýapkershilikke 20 nysan basshysy tartylyp, olarǵa qatysty 1,5 mıllıon teńgeden astam aıyppul salyndy.

Aıta keteıik, Qazaqstan Respýblıkasynyń «Terrorızmge qarsy is-qımyl týraly» 1999 jylǵy 13 shildedegi №416-I Zańyna sáıkes Terrorıstik turǵydan osal obektiler – asa mańyzdy memlekettik, strategııalyq obektiler jáne strategııalyq mańyzy bar ekonomıka salalarynyń obektileri, qaýipti óndiristik obektiler, adamdar kóp jınalatyn obektiler jáne olardyń tizbesin jáne olarǵa qoıylatyn tıisti talaptardy Qazaqstan Respýblıkasynyń Úkimeti aıqyndaıdy.

Atalǵan zańǵa sáıkes, adamdar kóp jınalatyn obektiler – saýda alańy 500 jáne odan da kóp sharshy metr bolatyn saýda obektileri, 100 jáne odan da kóp otyratyn orny bar qoǵamdyq tamaqtaný obektileri; kóp adamdardyń kelýine arnalǵan nemese daıyndalǵan, bir mezgilde 200 jáne odan da kóp adamnyń bolý múmkindigi bar, ózderine japsarlas ashyq aýmaqty qosa alǵanda, konsert zaldary, sport, oıyn-saýyq, kólik jáne ózge de kópshilik ǵımarattary, bilim berý jáne densaýlyq saqtaý uıymdary, týrısterdi ornalastyrý oryndary bolyp tabylady.