Elorda bilim basqarmasynyń basshysy Ánýar Janǵozın ózi eden jýyp, estafetany ózge basshylarǵa joldady dep habarlaıdy Qamshy.kz aqparat agenttigi.
Bul týraly Ánýar Janǵrzın feısbýktegi paraqshasynda jazyp, sýretterin jarııalady.
#ózińnenbasta degen heshtegpen bastalǵan jazbasynda Bilim basqarmasynyń jetekshisi oqýshylardyń mektepte eden jýýyna qatysty aqparatty túsindirde ketken eken.
"Sońǵy kúnderi elordalyq mektepterde byltyrdan bastap oryn alǵan bastamaǵa qatysty kóptegen pikirtalastar týyndaýda. Atap aıtqanda, oqýshylarǵa mektep ǵımaratyn tazalaý kezinde tehnıkalyq qyzmetkerlerge kómek kórsetý. Jalpy, bul ár oqýshy eden jýý kerek degen sóz emes, osyny birden atap ótkim keledi. Bastama ashanada ydystaryn jýatyn jerge aparý nemese sabaqtan keıin jumys ornyn taza ustaý, keıbir jaǵdaıda synyptar men dálizderdi jınaýǵa kómektesý sııaqty jumystar. Bul bizdiń balalarymyzdyń boıynda basqa adamdardyń eńbegin qurmetteý jáne qorshaǵan ortaǵa kútimmen qaraý daǵdylaryn damytý úshin jasalady. Árıne, balalardyń qalaýy boıynsha ǵana iske asatyn sharalar ekenin eskertemiz.
Tek syrttan baqylaýshy rólin atqarmas úshin, men búginnen bastap ár kesh saıyn tehnıkalyq qyzmetker áıelderge óz kabınetimdi tazalaý arqyly olardyń jumysyn jeńildetip, kómektesýge sheshim qabyldadym. Buǵan bylaı qaraǵanda 15-20 mınýt qana ýaqyt ketedi.
Búgin #ózińnenbasta estafetasyna bastama bere otyryp, elordalyq bilim berý uıymdarynyń basshylaryn bizdiń balalarymyzǵa ózimiz bul jumystyń eshqandaı qıyn jáne uıatty emes ekenin kórsetýge shaqyramyn" delingen jazbada.
Eske sala keteıik, áleýmettik jelide elordalyq mektepterdiń birinde sabaqtan keıin balalardyń eden jýatyny týraly aqparat taraǵan bolatyn. Pikir ekige bólinip, biri qoldasa, biri synap jatyr.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir