• USD 378.65
  • EUR 430.07
  • RUB 6
  • CNY 55.1
23 Qyrkúıek, 16:00:21
Kekilbaevqa arnalǵan kesh

10 Qyrkúıek, 2019 Aıtty-eı, baýyryń!

Ishki mońǵoldy qytaılar qalaı jaýlap aldy…

Qytaılar óstip myltyqtyń daýysyn shyǵarmaı, jalshylyqqa kelip júrip mońǵoldardy jaýlap aldy!

"Bizdiń ishki Mońǵol elinde ótken ǵasyrdyń 50 jyldaryna deıin bir qytaı bolmady. Anda-sanda birer qytaı kelse, mońǵoldardyń bári atqa qonyp, olardy shekaradan asqansha qýyp jiberetin. 50 jyldary bizdiń aýylǵa 80 jastaǵy áreń júrgen bir qytaı keldi. Eńkish tartqan, ózi áreń júredi. Álgi qytaı kóktem bastalysymen ózen jaǵasyna kelip jatty. Biz ony adam qurly kórmedik. Ne iship, ne jep jatqanyn bilmeımiz. Áıteýir, keldi de, sol jerde jatty. Ony adam dep eseptep qýmadyq ta. Kári bolǵanyna qaramaı, jaqyn jerdegi aýyldarǵa baryp, solardyń malyn qaıyrysyp, jumysyn tegin istep berip júrdi. О́zenniń jaǵasyna jemis pen kókónis egipti. Solar jaıqalyp shyǵa bastady. Biz osynsha kóp jemisti alǵash ret sol qytaıdan kórdik. Etten basqany bilmeıtin mońǵoldar onyń kókónisin qyzyqtap, sodan dámin keltirip istep bergen tamaǵyn jep kórdik. "Eeeı, mynaý jeýge bolatyndaı dámdi eken!" dep tańǵalystyq. Osylaısha kúz bolyp, kún sýyp, ol shal úsip óletin bolǵan soń bir mońǵoldyń úıin baryp panalady. Ol mońǵoldar usaq-túıek jumysyna kómektesken kári qytaıǵa rıza bolyp, qoldary da jeńildep qaldy. Kóktemde ol shal mońǵoldarǵa jalynyp: "Meniń bir ulym bar edi. Sony ertip kelip, osy jerde tura bersem qalaı qaraısyńdar?" deıdi. Ony qystatyp shyqqan mońǵoldar kelise ketedi.

Sonymen, álgi shal balasymen birge solardyń úıinde turyp, mońǵoldardyń barlyq jumysyn tegin istep berip, qaryq qylyp tastady. Ony kórgen mańaıyndaǵy mońǵoldar da qytaı jalshy izdeı bastady. Olar aılyq almaıdy. Aqysyz, pulsyz jumys isteıdi! Mońǵoldardyń qoldary bosap, iship-jep, qarnyn sıpap qana jatatyn boldy. Sóıtip, 5-10 jyldyń ishinde jalshylyqqa kelgen qytaılardyń sany sol jerdegi mońǵoldardan asyp tústi de, osy 40-50 jyldyń ishinde qytaılar 18 mıllıonǵa jetip, mońǵoldyń sany 2 mıllıonnan aspaı qaldy. Endi bizge bas kóterý múmkin bolmady. Qytaılardyń ózderiniń óte kóp ereksheligi bar: eshqandaı jumysty tańdamaıdy, arlanbaıdy, kóshege nemese kez kelgen shańdaq jerge otyra qalyp, mońǵoldyń etigin maılap, arbasyn jóndep berip, ne aıtsań da sol jumysty isteı beredi. Tıyn-tebenniń bári qytaıdyń qaltasynda. Mońǵoldyń keýdesin qarasańshy, eshteńesi joq bolyp júrip, sonda da tizesin bir búkpeıdi. Qytaılar óstip myltyqtyń daýysyn shyǵarmaı, jalshylyqqa kelip júrip mońǵoldardy jaýlap aldy!"

Býrahan Saǵıdan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir