• USD 468.56

  • EUR 497.56

  • RUB 7.3

  • CNY 67.18

29 Naýryz, 03:26:22
Almaty
+35°

Jambyl oblysy Tótenshe jaǵdaılar departamentiniń oqý synybynda Jambyl oblysy TJD Kadr saıasaty bólimi bastyǵynyń ýaqytsha mindetin atqarýshy azamattyq qorǵaý maıory Almas Jumataetyń basshylyǵymen «Azamattyq qorǵaý organdarynyń qyzmetkerleri jáne memlekettik ákimshilik qyzmetshileriniń arasynda ádep kodeksi jáne sybaılas jemqorlyqqa qarsy normalaryn saqtaý» jáne «Jol kólik erejelerin buzýyna jol bermeý» taqyryptary boıynsha semınar-sabaq ótkizildi.

Kadr saıasaty bólimi bastyǵynyń ýaqytsha mindetin atqarýshy azamattyq qorǵaý maıory Almas Baýyrjanuly Departamenttiń jeke quram nazaryna Qazaqstan Respýblıkasy memlekettik qyzmetshileriniń ádep kodeksi talaptaryn, memlekettik qyzmetshileriniń ádeptilik normalaryn jáne minez-qulyq qaǵıdalary jóninde aıtyp ótti.

Sondaı-aq Jambyl oblysynda Ádep kodeksin buzǵan memlekettik ákimshilik qyzmetshiler jóninde jáne qandaı jaýapkershilikterge tartylǵandaryn aıtty. О́z sózinde A. Jumataev melekettik qyzmetshilerdiń Ádep kodeksi Memlekettik qyzmet atqarý qoǵam men memleket tarapynan erekshe senim bildirý bolyp tabylady jáne memlekettik qyzmetshilerdiń moraldyq-ádeptilik beınesine joǵary talaptar qoıatynyn aıtty. Sonymen qatar, qoǵam memlekettik qyzmetshi óziniń barlyq kúsh-jigerin, bilimi men tájirıbesin ózi júzege asyratyn kásibı qyzmetine jumsaıdy, óziniń Otany – Qazaqstan Respýblıkasyna qaltqysyz ári adal qyzmet etedi dep senetinin eskertip, memlekettik qyzmetshiler óz qyzmetinde Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń saıasatyn jaqtaýǵa jáne ony dáıekti túrde júzege asyrýǵa tıistigine toqtaldy.

Sonymen qatar Departamenttiń jeke quramyna sybaılas jemqorlyqqa qarsy zańnamasynyń talaptary jetkizilip, tereńdetilgen túsinik berildi.

Kadr saıasaty bóliminiń bas mamany azamattyq qorǵaý kapıtany Nurdáýlet Asylhan jol qozǵalys erejelerin saqtaýdyń jáne jol qozǵalysy salasyndaǵy zańnamanyń talaptaryn buzbaýǵa, qoıylǵan jyldamdyqty saqtaýǵa, kólik júrgizgen kezde uıaly telefondy qoldanýǵa tyıym salynǵany týraly qatań túrde taǵyda eske saldy. Qyzmetkerler alkogoldik jáne nashaqorlyq mas kúılerinde, jol júrý erejelerin jıi buzyp kózge túsken kezde quqyq qorǵaý organdarynyń qyzmetkerlerin jumystan bosatý jóninde suraq qarastyrylatyny jáne barlyq deńgeıdegi basshylar osy faktiler boıynsha tártiptik jaýapkershilikke tartylatyndary týraly eskertip ótti.

Sondaı-aq jeke quramǵa jol kólik erejeleri jóninde ár túrli áleýmettik beınerolıkter kórsetildi jáne jemqorlyq qylmysyn jasaǵan tulǵalardy ustaý boıynsha quqyq qorǵaý organdary qyzmetiniń shynaıy oqıǵalary beınelengen taqyryptyq beınerolıkti nazarǵa usynyldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir