Jańatas qalasynyń 50 jyldyǵyna oraı fýtboldan týrnır ótti

Jambyl oblysy Sarysý aýdany Jańatas qalasynyń ortalyq stadıonynda Prezıdenttiń Joldaýynda aıtylǵan sport salasyn qoldaý, Jambyl oblysynyń 80 jəne Jańatas qalasynyń 50 jyldyq merekesine oraı, "Jastar jyly" aıasynda fýtboldan aýdandyq jarys ótti.

Aýdan əkimi Qanatbek Mədibek bastap salaýatty ómir saltyn ustanýdy qoshtaǵan sport jəne dene shynyqtyrý bóliminiń basshysy Saıat Begalıevtiń uıymdastyrýymen aýdanda kúndelikti sporttyq sharalar jalǵasyn tabýda.

Jarys saltanatty túrde ashylǵan soń mekeme-kásiporyn jalpy 12 komanda arasynda ótip jatqan, fýtboldyń aýdandyq týrnırinde sport jəne deneshynyqtyrý bóliminiń basshysy Saıat Begalıev sóz aldy. О́z sózinde bólim basshysy:

– Qurmetti jarysqa qatysýshy komandalar!

Qurmetti sport súıer qaýym!

Bıyl, aýdan ortalyǵy – Jańatas qalasynyń qurylǵanyna 50 jyl tolǵan mereıli jyl.

«Elý jylda el jańa» demekshi, qalamyz kóz aldaryńyzda jańaryp, túrlenip keledi. Jańa strıtvarkaýt, voleıbol, basketbol sııaqty sport alańshalar ashylyp, saıabaqtar jóndelip, túrli skverler men oıyn alańdary boı kóterýde.

Mereke qurmetine oraı, jyl basynan túrli mádenı-kópshilik is-sharalar, baıqaýlar men sporttyq dodalar ótkizilip keledi.

Tek deni saý ult qana básekege qabiletti bola alatynyn eskerip, búgin qalamyzdyń jarty ǵasyrlyq mereıli merekesine arnap fýtboldan aýdandyq týrnır ótkizilýde.

Barshańyzǵa, osynaý baıraqty básekege qosh keldińizder demekpin!

Memleket basshysy Qasym-Jomart Kemeluly Toqaevtyń Qazaqstan halqyna arnalǵan Joldaýynda: «Barlyq jastaǵy el azamattary arasynda buqaralyq sportty damytý mańyzdy» – degen bolatyn. Aldaǵy ýaqytta bul baǵytta jumystar jalǵasyn tabady.

Sport - eldiń mereıin asyryp, abyroıyn tasytatyn sala. Sondyqtan da, bul oıynda tek fýtbol oınap qana qoımaı, dene tárbıesimen shuǵyldaný arqyly salaýatty ómir saltyn, buqaralyq sportty nasıhattaýǵa úles qosatyn bolamyz, – degen S. Begalıev qatysýshylarǵa səttilik tiledi.

Týrnır aıasynda komandarlar teńbil dop tebýden sheberlikterin barynsha kórsetip, júldeli oryndardy ózara sarapqa saldy. Jarys sońynda jeńimpazdar men qatysýshy komandalar dıplomdprmen jáne arnaıy syılyqtarmen marapattaldy.