Jýalylyqtar Joldaýǵa qoldaý bildirdi

Aýdan ákimdiginiń májilis zalynda Memleket basshysy Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynyń negizgi qaǵıdalaryn túsindirýge arnalǵan aktıv jınalysy ótti.

Jıyndy aýdan ákimi Narbaı Ergebekov ashyp, Joldaýdyń elimizdiń damýyndaǵy mańyzy men basym baǵyttaryna toqtala kele, sózdi oblystyq aqparattyq top múshesi, oblystyq kásipodaqtar keńesiniń tóraǵasy Meırambek Tólepbergenge berdi.

Meırambek Myltyqbaıuly óz kezeginde Memleket basshysy Qasym-Jomart Toqaevtyń Qazaqstan halqyna Joldaýy qazaqstandyq qoǵam damýynyń búgingi jaı-kúıin dál beıneleıtin qujat bolyp otyrǵanyn, onda barlyq salalardyń qamtylǵanyn, ásirese bilim berý, áleýmettik salalardyń problemalary oryndy kóterilgenin aıtty. Mysaly - joǵary oqý oryndarynda jalǵan dıplom satý máselesiniń órship turǵanyn, temir jol bıletterine qoldan jasalyp otyrǵan tapshylyq, ushaq bıletteriniń negizsiz qymbataý máseleleriniń qozǵalýy.

– «Tereń bilim berýdiń ornyna dıplom satýmen aınalysqan ýnıversıtetterimiz bar ekeni de jasyryn emes. Birinshi kezekte solarǵa tyıym salý arqyly biz oqý oryndaryndaǵy bilim berý sapasyn arttyrýǵa kúsh salamyz.

Bilim salasyna qatysty taǵy bir másele – qarjylandyrýdyń birkelki bolmaýy jáne óńirlik basqarýdyń qazirgi júıesiniń tıimsizdigi. Bilim bólimderin basqarý jáne bıýdjet qarjysyn ákimshilendirý fýnksııalaryn aýdandyq deńgeıden oblystyq deńgeıge berý kerek. Bilim berýdiń barlyq deńgeıinde derbes qarjylandyrý tártibin engizý qajet» – dedi Prezıdent óz Joldaýynda. Bul atalǵan saladaǵy máseleniń aıqyn kórinisi. Joldaýdan týyndaǵan mindetter asynda aldaǵy ýaqytta bul tútkil de óz tarqaýyn tabady dep úmittenemiz, – dedi M. Tólepbergen.

Jaryssózge shyqqan «Zylıha» sharýa qojalyǵynyń tóraǵasy Kerimqul Begalıev, № 1 mektep-gımnazııanyń dırektory Elmıra Ábisheva, «Bilimdi urpaq» bilim berý ortalyǵynyń dırektory Nurıla Málibekova Joldaýda kásipkerlik, aýyl sharýashylyǵy, bilim berý salalarynda alǵa qoıylǵan mindetteriniń ómirsheń ekenin, jyldyń basty qujatyn barsha jýalylyqtardyń qoldaıtynyn etkizdi. Onda alǵa qoıylǵan mindetterdi iske asyrý úshin jumyla jumys isteýge shaqyrdy.