• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:15:11
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

08 Qyrkúıek, 2019 Aımaqtar

Mádenıet salasynyń qyzmetkerleri Joldaýdy talqylady

QR Mádenıet jáne sport mınıstrligine qarasty «Ejelgi Taraz eskertkishteri» tarıhı-mádenı qoryq-mýzeıiniń uıymdastyrýmen Qazaqstan Respýblıkasy Prezıdentiniń Q.Toqaevtyń Qazaqstan halqyna alǵashqy Joldaýyn talqylaýǵa arnalǵan «Áleýmettik qamsyzdandyrýdyń tıimdi júıesi» atty «dóńgelek ústel» otyrysy ótti.

Is-sharaǵa Eńbek, áleýmettik qorǵaý jáne kóshi-qon komıteti Jambyl oblysy boıynsha departamentiniń «Áleýmettik zeınetaqy» bóliminiń meńgerýshisi –Raıhan Nazarova, «Nur Otan» partııasynyń Jambyl oblystyq fılıaly «Saıası jumys» bóliminiń meńgerýshisi Aınur Kelimbetova kelip, Joldaýda jazylǵan kóptegen máseleler boıynsha túsindirý jumystaryn júrgizdi.

– Memleket basyshysy Qasym-Jomart Toqaev óziniń bıylǵy Qazaqstan halqyna Joldaýynda «Biz mádenıet salasynda jumys isteıtin azamattarǵa jetkilikti túrde kóńil bólmeı otyrmyz. Bul – eń aldymen, kitaphana, mýzeı, teatr qyzmetkerlerine qatysty másele. Olardyń eńbekaqysy sońǵy jyldary múlde kóbeıgen joq. Sonyń saldarynan mádenıet qyzmetkerleri, ásirese jas mamandar jeńildigi bar turǵyn úı baǵdarlamalaryna qatysa almaıdy.

Mundaı ahýal osy kásiptiń bedelin túsirip, laıyqty kadrlardyń tapshylyǵy aıqyn sezilýde. Kelesi jyldan bastap úkimet mádenıet qyzmetkerleriniń eńbekaqysyn kóbeıtýi tıis.

Sondaı-aq, bilim berý jáne densaýlyq saqtaý salalaryndaǵy mindetti áleýmettik jeńildikter mádenıet salasynyń ókilderine de berilýi kerek» – dep naqty tapsyrmalar berdi. Bul da bolsa mádenıet salasyna serpin beredi degen oıdamyz, – dedi A. Kelimbetova óz sózinde.

Sonan soń «Ejelgi Taraz eskertkishteri» tarıhı-mádenı qoryq-mýzeıiniń zańgeri Erjan Slanov, mekemeniń jas ǵylymı qyzmetkerleri Jamal Aqpan men Uljalǵas Shaızhan Joldaýdaǵy eń mańyzdy jańalyq – Memleket basshysynyń mádenı sala qyzmetkerlerine kelesi jyldan bastap Úkimetke mádenıet qyzmetkerleriniń eńbekaqysyn kóbeıtýdi tapsyrǵany jáne Joldaýda aıtylǵan baǵyttardyń memlekettiń damýyna, halyqtyń ál-aýqaty men turmys jaǵdaıynyń kóterilýine, sonymen qatar memleketimizdi jańa deńgeıge shyǵarýǵa utymdy reformalar jazylǵanyn aıtyp, óz oılarymen bólisti.

Jıyn sońynda kelgen qonaqtarǵa mekememizdiń baspasóz ónimderi syıǵa berilip, arnaıy jyljymaly kórmemen tanystyryldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir