• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:51:29
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

08 Qyrkúıek, 2019 Aımaqtar

Jambylda taǵy bir IT-synyp ashyldy

«Nur Otan» partııasynyń «Balalarǵa aqysyz IT-synyp ashý» bastamashyl jobasy aıasynda Jambyl aýdandyq partııa fılıaly jáne Jambyl aýdany ákimdigi bilim bóliminiń uıymdastyrýymen Baýyrjan Momyshuly atyndaǵy mektep-gımnazııasynda IT-synyby ashyldy.

IT-synyp zamanaýı kompıýterlermen, 3D prınter, joǵary jyldamdyqty ınternetpen qamtylǵan. Bul synyptyń ashylý maqsaty jastardy robototehnıka, 3D format jobasynda robottar men jumys jasap, qımyl qozǵalystaryn úırenýge baǵyttaldy.

Sonymen qatar, IT-synypta oqýshylardyń sabaq oqýymen jáne qural-jabdyqtarmen jumys isteýdegi eskertpe stendteri, robototehnıka jáne 3D modeldeý ústelderi qural-jabdyqtarymen ornalasqan. IT-synypta oqýshylar «STEM centr» akdemısy boıynsha 3 modýlden turatyn oqý baǵdarlamasymen oqıdy. IT-synypta 8 jáne 16 jas aralyǵyndaǵy oqýshylarǵa oqytylady. IT-synypta oqýshylar 1-shi oqý modýlinde baǵdarlamalaýdy ıgerip shyǵady. Onda oqýshylar «Skreıtch», «Pıton», «Sı++», «Java», 2-shi oqý modýlinde robototehnıkany meńgeredi. Onda oqýshylar «Lego» jáne «Arýdınno», 3-shi oqý modýlinde 3D modeldeýdi ıgeredi. Onda oqýshylar «Aýtodesk», «Sketch ap», «Solıdorks» baǵdarlamalaryn meńgerip shyǵady.

IT-synyptyń ashylýyna Jambyl aýdany ákimdiginiń bilim bóliminiń basshysy Raýshan Qojamjarova qatysyp, IT-baǵdarlama men robototehnıkanyń qazirgi zamandaǵy alar orny erekshe ekendigine toqtaldy. Búginde symsyz smartfon, jelilik teledıdar taǵy basqa zamanaýı quraldar osy IT tehnologııanyń jemisi. Aldaǵy ýaqytta IT-synypta oqýshylar bilim alyp bolashaq kásipterin mektep tabaldyryǵynan tabýyna múmkindik alady.

Aıta keteıik, «Nur Otan» partııasy balalarǵa arnalǵan tegin IT-synyptar ashý jáne IT-mamandar daıarlaý isin «Sıfrly Qazaqstan» baǵdarlamasy aıasynda qolǵa alǵan bolatyn. Bul joba aıasynda elimiz boıynsha 1000 IT-synyp ashylyp, onda jylyna 8-16 jas aralyǵyndaǵy 150 myń bala baǵdarlamalaý jáne robot tehnıkasynyń negizderi jaıynda Eýropalyq bilim berý standarty negizinde tereńdetilgen bilim alady.

Ázirge 2018-2020 jyldarǵa, ıaǵnı úsh jylǵa josparlanǵan bul joba boıynsha 450 myń balany oqytý kózdelip otyr. Bul bastama mektepterge fakýltatıvti pán retinde engizilip, úsh aılyq jáne alty aılyq kýrs retinde júrgiziledi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir