• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:12:04
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

08 Qyrkúıek, 2019 Aımaqtar

Tarazda "Til – tatýlyq tiregi" atty oblystyq jastar forýmy ótti

Jambyl oblysy Qazaqstan halqy assambleıasy jáne oblys ákimdiginiń tilderdi damytý basqarmasynyń uıymdastyrýymen Qazaqstan halqy tilderi kúni merekesine oraı oblystaǵy belsendi jastar arasynda «Til – tatýlyq tiregi» atty oblystyq jastar forýmy ótkizildi.

Forýmǵa Jambyl oblysy Qazaqstan halqy assambleıasynyń «Aq jelken» jastar lıgasy jáne «Jańǵyrý joly» jastar qozǵalysynyń belsendileri, óńirlik etnos ókilderiniń jas býyn ókilderi, til janashyrlary, oblys jastary qatysty.

Forým memlekettik tildiń qoldanylý aıasyn keńeıtý, mártebesin kóterý men mańyzdylyǵyn keńinen nasıhattaý. Sondaı-aq, latyn álipbıine kóshýdiń tıimdiligin jastar arasynda keńinen nasıhattaýdy maqsat etti.

Jıyn basy K.Ázirbaev atyndaǵy oblystyq fılormonııanyń «Nur-Shashý» bı ansambliniń oryndaýynda qazaq bıimen jáne oblystyq qazaq drama teatry ártisteriniń oryndaýynda «Til-tatýlyq tiregi» kompozısııasymen bastaldy.

Taraz ınnovasııalyq gýmanıtarlyq ýnıversıtetiniń «Rýhanı jańǵyrý» ortalyǵynyń jetekshisi, PhD doktaranty, respýblıkalyq O.Bókeı atyndaǵy kórkemsóz oqý sheberleri baıqaýynyń jeńimpazy Baqtııar Beknazarov «Memlekettik til – tiregim» taqyrybynda óz baıandamasyn jasady.

– Memlekettik tildiń qoldaný aıasyn ózimiz keńeıtip, tilge janashyrlyq tanytpasaq basqa eshkimniń bas aýyrtpasy anyq. Tilimizdiń mártebesin kóterýimiz kerek. Osy iske ózge demeı óz demeı bir aýyzdan kiriseıik. Sebebi, jumyla kirissek júk jeńil bolady emes pe? Ásireses ózge etnos ókilderi arasynda tilimizdi keńinen nasıhattaýymyz kerek. Qazaqstanda turatyn barlyq halyqty memlekettik tildi qoldaýǵa shaqyramyn, – dedi Baqtııar Armanuly baıandamasynda.

Sondaı-aq, jıyn barysynda Sarysý aýdany ákimdiginiń mádenıet jáne tilderdi damytý bóliminiń bas mamany, Jas memlekettik qyzmetshiler arasynda uıymdastyrylǵan respýblıkalyq baıqaýdyń jeńimpazy Merýert Qadyrbekova «Latyn qarpine kóshý – bolashaqqa bastar baǵyt» taqyrybynda sóz sóıledi.

Shara sońy oblystaǵy til saıasatyn júzege asyrý baǵytyndaǵy belsendilikteri úshin birneshe til janashyrlary marapattalyp, Jambyl oblystyq fılarmonııanyń ánshileriniń qatysýymen shaǵyn konserttik baǵdarlamamen aıaqtaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir