Jambyldyń qasıetti jerleri arnaıy saıtqa toptastyrylǵan

Jambyl oblysynda Elbasy-Tuńǵysh Prezıdenttiń «Bolashaqqa baǵdar: rýhanı jańǵyrý» baǵdarlamalyq maqalasynan týyndaǵan «Qazaqstannyń qasıetti jerleri kartasy» jobasyn nasıhattaý jumystar keń kólemde qolǵa alynǵan. О́ńirde baǵdarlamanyń «Qasıetti Qazaqstan» bazalyq baǵytymen tanysýǵa múmkindik beretin qasiettitaraz.kz veb-portaly iske qosylǵan, dep jazady Qamshy.kz aqparat agenttigi. 

«Bolashaqqa baǵdar: rýhanı jańǵyrý» baǵdarlamalyq maqalasynan týyndaǵan mindetterdi júzege asyrý maqsatynda qolǵa alynǵan «Qazaqstannyń qasıetti jerleri kartasy» jobasyna Jambyl oblysynan 8 tarıhı-mádenı, arheologııalyq eskertkish engizilgen. Endigi kezekte jambyldyqtar men óńir turǵyndar atalǵan oryndardyń tarıhy jaıyndaǵy derektermen onlaın rejımde tanysý múmkindigine ıe. Jambyl oblysy ákimdiginiń mádenıet, arhıvter jáne qujattama basqarmasynyń basshysy Dúısenáli Byqybaev óńirdegi qasıetti oryndardyń onlaın platformasyn jasaý bastamasynyń halyqqa bereri kóp ekendigin tilge tıek etedi.

–Bundaı bastamalardyń halyqqa bereri mol. Buryn-sońdy óńirdiń qasıetti jerleri qamtylǵan 3D formattaǵy onlaın karta saıty bolmaǵan. Sondyqtan bul jańa dúnıeni jasap shyǵý úlken eńbekti qajet etti,–dedi basqarma basshysy.

Al bul jobany iske asyryp, týǵan ólke tarıhyn tanýdaǵy balamasy joq saıtty qurastyrǵan baǵdarlamashy Aıbar Qasenalın onlaın platforma jumysynyń san alýandyǵyna basa nazar aýdardy.

–Qazir áleýmettik jeli qoǵam ómiriniń ajyramas bóligine aınaldy. Áldebir aqparatty alýda jeli qoldanýshylary mindetti túrde eń áýeli saıttardyń kómegine júginedi. Sondyqtan biz óz saıtymyzdyń kontentin áleýmettik jelige de yńǵaılap jasadyq. Árıne jumystyń baǵasyn saıt qoldanýshylary bere jatar,–dedi A.Qasenalın.

Saıt jasaýda baǵdarlamashylar segiz aı boıy óńirdegi qasıetti jerlerge júrgizilgen ekspedısııa jumysynyń nátıjelerin basshylyqqa alǵan. Sonyń nátıjesinde saıtqa kirgen saıt paıdalanýshysy Jambyl oblysyndaǵy «Qazaqstannyń qasıetti jerleri kartasy» jobasyna engizilgen eskertkishter jaıyndaǵy derektermen tanysyp qana qoımaıdy. Atalǵan nysandardyń fotosýretterin túrli rakýrstan 3D formatynda tamashalap, onlaın saıahattaı alady.