• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:54:35
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

08 Qyrkúıek, 2019 Aımaqtar

Oblystyń 80 jyldyǵyna oraı 80 shaqyrymdyq marafon

Aǵymdaǵy jyly qurylǵanyna 80 jyl bolatyn Jambyl oblysynyń mereıtoıyna túrli tartýlar jasalýda. О́ńirdiń qurylǵan kúnine oraı este qalarlyq tartý jasaýshylardyń qatarynda qarapaıym oblys turǵyndary da bar.Taraz qalasynyń turǵyny Jaqsylyq Mamyrbekuly oblys mereıtoıyna oraı 80 shaqyrymdyq marafonmen júgirip ótýge nıet tanytyp otyr, dep jazady Qamshy.kz aqparat agenttigi. 

Mereıtoı qurmetine arnalǵan marafondy Jaqsylyq Mamyrbekuly ózi týyp ósken Talas aýdanyndaǵy Tamdy aýylynan bastaýdy jón dep tapqan. Osylaısha mereıtoı qarsańynda marafonshy Tamdydan Tarazǵa deıingi joldy jaıaý júgirip ótpek. Marafonshynyń aıtýynsha onyń bul bastamasyna oblys ákimindiginiń dene shynyqtyrý jáne sport basqarmasy qoldaý bildirmek.

Aıta ketý kerek Jaqsylyq Mamyrbekulynyń buǵan deıin el ómirindegi aıtýly datalarǵa oraı marafon júgirisina qatysyp keledi. 65 jastaǵy marafonshy Nur-Sultan qalasynda EKSPO-2017 halyqaralyq mamandandyrylǵan kórmesinde marafonǵa 4 nemeresimen qatysyp ózgege úlgi bolarlyq is jasaǵan edi.

–Men mundaı marafondarǵa turaqty qatysyp turamyn. Almaty qalasynda ótken 7 marafonda jarys jolynan tabyldym. Onyń úsheýinde nemerelerimmen birge júgirdim. Jalpy jaıaý júrýdiń, júgirýdiń adam densaýlyǵyna paıdasy ushan teńiz. Men zeınetkerlikke shyqqaly júgirýmen shuǵyldanyp kelemin. Alǵashynda 10-15 shaqyrymdy júgirip ótetinmin. Qazir 25 shaqyrymǵa deıin júgire alamyn,– deıdi zeınet jasyndaǵy marafonshy.

Jalpy oblystaǵy eleýli oqıǵalar qarsańynda jeke adamdardyń bastamasymen marafondar uıymdastyrý burynnan tájirıbede bar. Taraz qalasynyń 2000 jyldyq mereıtoıynda Sarysý aýdany, Jańatas qalasynyń turǵyny Turar Mysyqbaevtyń kenshiler qalasymen Taraz qalasyndaǵy 170 shaqyrym joldy júgirip ótkeni áli este. О́z kezeginde sarysýlyq tis dárigeriniń bul bastamasyn kópshilik salaýatty ómir saltyn nasıhattaýdyń ozyq úlgisi retinde qabyldaǵan. Sol sekildi oblystyń 80 jyldyq mereıtoıynda 80 shaqyrym joldy júgirip ótýdi jón kórgen Jaqsylyq Mamyrbekulynyń áreketi de jas urpaqqa sanasyna sporttyń densaýlyqqa paıdaly ekendigin sińirýdegi nátıjeli qadamǵa aınalary daýsyz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir