Semeıde aspaly kópir jóndeýden ótýde

Jaqynda qala turǵyndary jańa kópirde júrgizilip jatqan jóndeý jumystary týraly pikir bildire bastady. Semeı qalasynyń jolaýshylar kóligi jáne avtomobıl joldary bóliminiń basshysy Serikqalı Jumanovtyń aıtýynsha, kópir shuńqyrlaryn jóndeý jumystary júrgizilýde, al jaqyn arada asfalttyń jańa qabaty salynady.

– Semeı qalasynyń aspaly kópiri 10 jyl boıy oblystyń kólik jáne avtomobıl joldary basqarmasynyń qaramaǵynda bolǵan. Bıyl ony Semeı qalasyna tapsyrdy. Kópirdi kúrdeli jóndeýden ótkizý týraly sheshim qabyldandy. Jumysqa sheteldik kompanııa tartyldy. Olar 10 qyrkúıekten jumysqa kirispek. Al, ázirge kópirdi tolyǵymen tazalaý jumystary júrgizilýde, – dedi Jumanov.

Jóndeý jumystaryn 10 qyrkúıekten keıin aıaqtaý josparlanyp otyr. Kepildik merzimi – 1 jyl. Osy ýaqyt ishinde jumystyń qanshalyqty sapaly júrgizilgenin kórýge bolady. Al kelesi jyly kópirdiń ortasha jóndeý jumystary josparlanyp otyr. Sebebi aspaly kópirde 20 jyl boıy tolyq jóndeý jumystary júrgizilmegen.