• USD 378.65
  • EUR 430.07
  • RUB 6
  • CNY 55.1
19 Qyrkúıek, 03:08:28
Shashyrap júrgen qazaqty búgin kóshirip almasaq, erteń joǵaltyp alýymyz múmkin

08 Qyrkúıek, 2019 Aımaqtar

Jambyl oblysynda 1991 jyldan beri 2000-ǵa jýyq kóshe ataýy ózgertildi

El Táýelsizdigi jarııalanǵannan beri Jambyl oblysy aýmaǵynda 146 eldi mekenniń, 1924 kósheniń, 172 nysanyń ataýy qaıta jańǵyrtylǵan. Resmı málimetter tek 1992 jyly oblys aýmaǵynda 131 oıkonım orys tilinde bolǵanyn rastaıdy, dep jazady Qamshy.kz aqparat agenttigi. 

Tek ótken jyldyń ózinde Jambyl oblysy ákimdigi janyndaǵy onomastıkalyq komıssııasynda eldi mekender men olardyń quramdas bólikteriniń ataýyn ózgertý týraly 291 usynys qaralǵan eken. Onyń ishinde 1 usynys aýyldyq okrýgtiń ataýyn qaıta ataýǵa qatysty bolsa 4 usynysta eldi meken ataýyn ózgertý jaıy aıtylǵan. Nátıjesinde oblys ákimdiginiń qaýlysy jáne oblystyq máslıhat sheshimimen 1shaǵyn aýdan, 25 kóshe men qaıta ataýdy qajet etken 200 kósheniń ataýy ózgertilgen.

Al 2018 jyldyń 9 tamyzynda respýblıkalyq onomastıkalyq komıssııanyń oń qorytyndysy negizinde Jambyl oblystyq fılarmonııasyna Kenen Ázirbaevtyń, Taraz qalalyq mádenıet úıine Yqylas Dúkenulynyń, Taraz qalasyndaǵy №10 mektepke Saǵadat Nurmaǵanbetovtiń esimin berý týraly Qazaqstan Respýblıkasy Úkimetiniń qaýlysy shyqty.

–Táýelsizdiktiń alǵashqy jyldarynan oblys jalpy respýblıkanyń ómirindegi túrli salalarǵa tyńnan túren salǵan túrli jańalyqtar oryn aldy. Ásirese eldiń rýhanı ómiri kemeldene tústi. Buryn qylyshynan qan tamǵan keńestiktik júıeniń tulǵalaryna, partııa belsendilerine berilip ketken eldi mekenderdiń, kóshelerdiń mekemelerdiń attary qazaqshalandy. Qur qazaqshalanyp qana qoıǵan qazaq halqynyń otarlaýshy ımperııa basyp-janshyp óshirmekshi bolǵan sanasyna sińgen tarıhı ataýlar, tarıhı tulǵalardyń aty qaıta oraldy. Bir ǵana Jambyl oblysynda bul baǵytta kóptegen sharýa atqarylǵany málim. Máselen Jambyl atanǵan oblys ortalyǵy Taraz dep atalatyn tarıhı ataýyna qol jetkizdi. Qaladaǵy kóshe ataýlaryna Tóle, Qazybek, Áıteke bılerdiń attary berildi. Aýyldar men eldi mekenderge, kóshelerge toponımıkalyq ataýlary qaıta oralyp, tutas halyqtyń rýhanı ıgiline aınaldy. Ári bul jumystar Elbasy-Tuńǵysh Prezıdenttiń «Rýhanı jańǵyrý» baǵdarlamasymen de úndesedi ,– deıdi fılolog-ǵalym Z.Qulamanova.

Aıta ketý kerek elimizde 2013 jyly «Onomastıka týraly» Zań qabyldanyp onda toponomıkalyq ataýlardyń berýdiń barlyq zańdylyqtary anyq jazyldy. Sondaı-aq eldi mekenderdi, kóshelerdi tarıhı tulǵalardyń atymen ataý, tarıhı ataýyn qaıtarýdyń da talaptary kórsetildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir