• USD 378.65
  • EUR 430.07
  • RUB 6
  • CNY 55.1
17 Qyrkúıek, 13:27:45
Qazaqstanda másele sheshilý úshin aldymen adam ólýi kerek

08 Qyrkúıek, 2019 Aımaqtar

Baızaqtyq oqýshylar kadet synyptarynda tárbıelenýde

Jambyl oblysynyń Baızaq aýdanynda eki kadet synyby jumys jasaıdy. Qazirdiń ózinde mundaǵy ár synypta 20-25 bala tálim alýda, dep jazady Qamshy.kz aqparat agenttigi. 

Elbasy-Tuńǵysh Prezıdent Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda urpaqty sanasynda patrıotızm uǵymyn qalyptastyrýǵa aıryqsha toqtalǵan. Dál osy maqsatta Ishki ister mınıstrligimen óńirlerde kadetter synybyn ashý jumystary júrgizilip jatyr. Kadetter synybyn ashýdaǵy basty maqsat mektep oqýshylary arasynda quqyq qorǵaý qyzmetiniń bedelin arttyra otyryp, olarǵa áskerı-patrıottyq tárbıe berý bolyp tabyldy. Mundaǵy tárbıelenýshiler dene shynyqtyrý, alǵashqy áskerı daıyndyq, jolda júrý erejesi syndy pánder boıynsha tereńdetilgen bilim beriledi.

Al Jambyl oblysynda bul qanatqaqty jobany oblys ákimidiginiń bilim basqarmasy men polısııa departamenti birlese qolǵa alǵan. Atalǵan joba aıasynda óńirde alǵashqylardyń biri bolyp eki kadet synyby Baızaq aýdanynyń ortalyǵy Sarykemer aýylynda ashyldy.

–Kadetter synybyna uldar da, qyzdar da qabyldana beredi. Iаǵnı tárbıelenýshilerdi irikteýde eshqandaı shekteý joq. Olar bul synyptarda mektepti támamdaǵanǵa deıin áskerı-quqyqtyq tárbıe alatyn bolady. Bul synyptardyń sapyn tolyqtyrýǵa nıetti oqýshylardyń qatary qalyń. Kadet synyby ashylǵan alǵashqy kúnnen munda 20-25 tárbıelenýshi keldi. Tárbıelenýshilerge quqyq qorǵaý organdarynyń atqarar qyzmeti tereńdetile oqytylady. Sondyqtan munda talap pen tártiptiń qatań bolýy zańdylyq,– deıdi Baızaq aýdandyq polısııa bólimi bastyǵynyń kadr máseleleri jónindegi orynbasary, polısııa maıory Ǵalymjan Orazbekov.

Kadet synybyndaǵy tárbıelenýshiler dáris kezinde biryńǵaı áskerı forma kıedi. Sondaı-aq olar tıisti qyzmet ókilderimen birge qoǵam tynyshtyǵyn kúzetý isine de tartylmaq.

Aıta ketý kerek kadet synyptarynyń tárbıelenýshileri óz bolashaǵyn quqyq qorǵaý organdarymen de baılanystyra alady. Ári olarǵa munda elimizdegi arnaýly joǵary oqý oryndarynyń mamandyqtar tizbesi men túsý talaptary tanystyrylady. Oblys aýmaǵynda Elbasy-Tuńǵysh Prezıdenttiń Joldaýynda aıtylǵan jastar arasynda patrıotızmdi nasıhattaý sharalary belsendi qolǵa alynǵan. Máselen óńirde mektep oqýshylary «Jas sarbaz» qozǵalysynyń jumysyna kóptep tartylyp jatyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir