• USD 468.56

  • EUR 497.56

  • RUB 7.3

  • CNY 67.18

29 Naýryz, 01:39:03
+35°

Elbasy-Tuńǵysh Prezıdenttiń «Uly Dalanyń jeti qyry» atty baǵdarlamalyq maqalasynda atqa miný mádenıeti jaıynda keńinen sóz qozǵap, bul úrdisti álemdik órkenıetke engizýdegi qazaq halqynyń tarıhı róline aıryqsha toqtalǵany málim. Osy oraıda, Jambyl oblysynda jumys jasaıtyn «Áýlıe-Ata» kásipqoı klýbynyń jetistikteri at sportynda jambyldyqtardyń aldyna qara qalmaıtynyn aıǵaqtaıdy, dep jazady Qamshy.kz aqparat agenttigi. 

«Elimizdiń soltústik óńirindegi eneolıt dáýirine tıesili «Botaı» qonysynda júrgizilgen qazba jumystary jylqynyń tuńǵysh ret qazirgi Qazaqstan aýmaǵynda qolǵa úıretilgenin dáleldi... At ústinde júrgen kóshpendiler bıik er-turman men úzeńgini oılap tapty...Babalarymyz shapqan attyń ústinde sadaq tartýdy barynsha jetildirdi. Soǵan baılanysty qarýdyń qurylymy da ózgerip, kúrdeli yńǵaıly ári qýatty bola tústi. Masaǵyna qaýyrsyn taǵylyp, metalmen ushtalǵan jebe beren saýytty tesip ótetin jebebuzarǵa aınaldy» deıdi Elbasy-Tuńǵysh Prezıdentiniń maqalasynda.

Rasynda qazaq halqynyń Táýelsizdik jolyndaǵy san ǵasyrlyq kúreskerlik ǵumyry attyń ústinde ótkeni belgili. Keıinnen kóshpendi turmysty qolaıly kórgen halyq úshin de jylqy malynyń minis kólik retinde róli aıryqsha boldy. Sonyń esebinen qazaq balasy attyń qulaǵynda oınap, kókpar, báıge sporttarynyń bel ortasynda júrip eseıdi.

–О́tken jyly kókparda ótken Azııa chempıonatynda, 2017 jylǵy álem chempıonatynda elimizdiń ulttyq quramasynyń sapyn tolyqtyrǵan 4 áýlıeatalyq shabandoz jeńis tuǵyrynan kórindi. Abzal Turlybekov, Eldos Badashev syndy jambyldyq sportshylar at ústinde sadaq atý sportynan Ońtústik Koreıada ótken álem chempıonatynan úzdik shyqty. Endigi oıymyz jastar arasynda kókpardan ótetin Azııa chempıonatynda, eresekter arasyndaǵy álem chempıonatynda olja salý. Osy jetistikterimizdiń ózi óńirdegi ulttyq at sportynyń álemdik arenada ózindik mártebeli orynǵa ıe ekendigin kórsetedi,–deıdi «Áýlıe-Ata» kásipqoı klýby» memlekettik mekemesi dırektorynyń orynbasary Tólegen Jumataev.

Sary qurlyq pen álem birinshiliginen bólek «Áýlıe-Ata» kásipqoı klýbynyń» músheleri at sportynyń kókpar, teńge ilý, aýdaryspaq syndy túrlerinde kásibı deńgeıde meńgergen. Klýb jetekshisiniń orynbasary muny óńirdegi at baptaýshylar sanynyń artqandyǵymen baılanystyrdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir