• USD 378.65
  • EUR 430.07
  • RUB 6
  • CNY 55.1
19 Qyrkúıek, 02:58:26
Shashyrap júrgen qazaqty búgin kóshirip almasaq, erteń joǵaltyp alýymyz múmkin

08 Qyrkúıek, 2019 Aımaqtar

Jambyl oblystyq arhıvinde sıfrlandyrý isi qarqyn júrgizilýde

Jambyl oblysynyń memlekettik arhıvinde óńirdiń tarıhy jaıyndaǵy mol málimetter bar. Qazir bul málimetterdiń sıfrlyq formatqa kóshirý jumystary qarqyndy júrgizilýde, dep jazady Qamshy.kz aqparat agenttigi. 

Qazaq mádenıeti men rýhanııatyna tyńnan túren salǵan Elbasy-Tuńǵysh Prezıdent Nursultan Nazarbaevtyń «Uly Dalanyń jeti qyry» atty maqalasynda tarıhı sanany jańǵyrtý máselesine erekshe toqtalǵany belgili. Sonyń nátıjesinde el tarıhyn tanýǵa qatysty birden-bir balamasy joq baǵdarlama «Arhıv-2025» baǵdarlamasyn daıyndaý isine qozǵaý salyndy. Bul oraıda jańa baǵdarlama sharapatyn sezinýden oblystyń 80 jyldyq tarıhynan bólek óńirden shyqqan tanymal azamattardyń ómirderegi qamtylǵan birneshe qory bar Jambyl oblystyq memlekettik arhıvi de shet qalmaýdan úmitti. Búginde oblystyq arhıvtegi arhıvtik qujattardy memlekettik saqtaýdy uıymdastyrýda 17 qor qyzmet kórsetedi. Bul qorlar 4646 saqtaý birliginen turady. Munan bólek 2705 saqtaý birligi bar basqarý qujattamasy , 1916 saqtaý birlikten turatyn jeke quram, 25 saqtaý birlikten turatyn jeke tektik quram men 4 jańa qor jasaqtalǵan. Oblystyq arhıvóz qyzmetin minsiz uıymdastyrýda memlekettik mekemelermen, zańdy tulǵalardyń arhıvterimen baılanysty berik jolǵa qoıǵan. Máselen ótken jyly oblystyq memlekettik arhıv 168 mekememen seriktes atanǵan. Qazir arhıv qoryndaǵy qundy málimetter elektrondyq formatqa kóshirilýde.

О́tken jyly óńir tarıhyn zertteýge, tyń derektermen tolyqtyrýǵa olardy hattap keler urpaqqa qaldyrýǵa óz úlesin qosqan Jambyl arheologııalyq pýnktiniń ashylǵanyna 80 jyl toldy. Mereıtoıǵa oraı oblystyq memlekettik arhıvtiń atsalysýymen «Taraz:Arheologııalyq zertteýler (1938-1945)» jyl atty kitap oqyrmandaryna jol tartty.

Qazir Jambyl oblysy aýmaǵyndaǵy Taraz qalalyq memlekettik arhıvinde «Elektrondyq arhıv» jobasy tıimdi júzege asyrylýda. «Elektrondyq úkimetti» qalyptastyrý maqsatynda 2012 jyly qolǵa alynǵan bastama aıasynda arhıv qoryndaǵy qaǵaz negizdi qujattar skanerlenip elektrondyq formatqa kóshirilýde. Aıta ketý kerek bul mekemeniń qorynda 106 qorda 31 473 saqtaý birligi bar. 2012 jyldan bastap munda «Qurmetti azamattar», «Uly Otan soǵysynyń ardageri», «Erligi–elge mura, urpaqqa –uran», «Taraz qalasynyń sport tarlandary» syndy jeke tektik qujattar toptamasynan quralǵan qor ashyldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir