Aqtaýdaǵy zııatkerlik mektepte Abaı men Ábish kabınetteri ashyldy

Aqtaý qalasyndaǵy Nazarbaev Zııatkerlik mektebinde Uly aqyn Abaı Qunanbaevtyń 175 jyldyǵyna oraı arnaıy oqý kabıneti ashyldy. Kabınetti ashý qurmeti abaıtanýshy, sáýletshi, «Abaı álemine saıahat» klýby ıdeıasynyń avtory Saıyn Nazarbek pen «Abaı oqýlary» respýblıkalyq baıqaýynyń júldegeri 10 synyp oqýshysy Bekzat Mustafaǵa berildi.

Sondaı-aq kıeli Mańǵystaý jeriniń tól týmasy, qalamger, qaıratker Ábish Kekilbaevtyń 80 jyldyq mereıtoıynyń aıasynda bilim ordasynda oqý kabınetiniń lentasy qıyldy. Endi jas zııatkerler atalǵan kabınetterde qazaq ádebıetiniń qaımaqtarynyń shyǵarmalarymen etene jaqyn tanysa alady.

Kabınetterdegi kitap qoryn jasaqtaýǵa oqýshylar men ata-analar erekshe úles qosqandyǵyn aıta ketken jón. «DARA» oqyrmandar klýbynyń uıymdastyrýymen «Bookcrossing» jobasynyń negizinde zııatkerlik mekteptiń oqýshylary 300-ge jýyq Abaı men Ábish shyǵarmalaryn jınaqtap, Qazaq tili men ádebıeti ádistemelik birlestigine syıǵa tartty. Kitaptar aýdıtorııalardaǵy sórelerden oryn tapty.

-Jańa kabınetter aldymen sabaq barysynda qoldanylady. Keıin «Abaı álemine saıahat» klýby men «Ábishtaný» klýbynyń balalarynyń sabaqtaryna, kezdesýlerine paıdalanylady. Kitap syılaýda belsendilik tanytqan barsha  ata-analar men ustazdarǵa alǵysymyz sheksiz. Bul kitaptar kabınetterdegi sórelerden oryn taýyp, elimizdiń erteńgi keleshegin tárbıeleýge erekshe úles qosady dep úmittenemin, - deıdi ádistemelik birlestik jetekshisi Mustafa Shohaev.

Aqtaý qalasyndaǵy Nazarbaev Zııatkerlik mektebiniń oqýshylary endi zamanaýı ınnovasııalyq FAB LAB sheberhanasynda joba jasaqtaı alady. Laboratorııanyń ashylý saltanaty qyrkúıektiń 6-sy kúni ótti.

Sheberhananyń negizi maqsaty – jas zııatkerlerdiń tehnıkalyq turǵydan oılaý qabiletin damytyp, ınjenerııa, qolóner, IT salasyna qyzyǵýshylyǵyn oıatý. Laboratorııa sandyq modeldeýge arnalǵan noýtbýkter, Arduino mıkrokontrollerlerimen, dánekersiz maketti platalar, ınteraktıvti taqta, 3D prıntermen, ártúrli stanoktarmen jabdyqtalǵan.

- О́tken oqý jylynda ǵylymı jobalarmen aınalysyp, jetistikke jetken oqýshylardyń kóptigine baılanysty arnaıy sheberhana jasaý qajettiligi baıqaldy. Usynysymyz mektep ákimshiliginen qoldaý tapqanyna qýanyshtymyz. Qazirdiń ózinde balalar qyzyqty jobalaryn júzege asyrýda, - deıdi óner pániniń muǵalimi Amanǵalı Muratov.

FAB LAB - kez kelgen ıdeıany daıyn ónimge aınaldyrýǵa múmkindik beretin sandyq óndiriske arnalǵan eń ozyq jabdyqtary bar zerthanalardyń álemdik jelisi. Zerthana ıdeıa júzinde qalyptasqan jobanyń prototıpin jasaýǵa múmkindik beredi. Mundaı ortalyq eń alǵash ret 2000 jyldary Massachýsets tehnologııalyq ýnıversıteti janynda qurylǵan. Qazirgi tańda álemde 1200-den astam zerthana jumys jasaıdy.

Jańa oqý jylynyń taǵy bir jańalyǵy óner páni kabınetiniń - kıiz úıde ashylýy. Saltanatty sharaǵa jınalǵan qonaqtar sheberlik saǵatyn tamashalady. Munda óner pániniń muǵalimderi men talantty zııatkerler óz jumystary týraly aıtyp berdi.

Mektep dırektory Ermek Paızovtyń aıtýynsha, endi oqýshylar qazaqtyń salt-dástúri men mádenıetin, ónerin kıiz úıde turaqty túrde sabaq ótý arqyly zertteıtin bolady.

-Qazaqy úı ornatý týraly mekteptiń ashylǵan kezinen oılap júrgenbiz. Oqý kabınetteriniń biri retinde qolóner, úıirme sabaqtaryn, sheberlik saǵattaryn ótkizý kózdelip otyr. Arnaıy keste daıyndaldy, - dedi mektep basshysy Ermek  Serikuly.

Alty qanatty kıiz úı turaqty túrde óner sabaǵy men úıirmelerdi ótkizý úshin qoldanylmaq. Jel men jaýyn-shashynnan qorǵaý úshin arnaıy  qaptama qaptalyp, elektr energııasy tartylǵan.