09 Qyrkúıek, 2019 NEWS
Shákárim atyndaǵy Semeı memlekettik ýnıversıtetiniń jobalyq keńsesinde "Uly dalanyń jeti qyry" atty maqala aıasynda sondaı-aq, "Rýhanı jańǵyrý" baǵdarlamasyn júzege asyrý boıynsha jergilikti atqarýshy bıliktiń jumysyn uıymdastyrý týraly semınar-praktıkým ótti. Semınarǵa baǵdarlamany jetik bilý jáne tájirıbe almasý maqsatynda jaqyn óńirlerden júzdegen maman keldi.
Eń aldymen qonaqtar úshin ýnıversıtet qyzmetkerleri shaǵyn ekskýrsııa ótkizip, olardy onyń jobalyq keńseniń "derekterdi vızýalızasııalaý stýdııasymen" tanystyrdy.
– Munda beıne nemese aýdıomaterıaldardyń adam mıyna áserin zertteý úshin paıdalanylatyn arnaıy keshen jumys isteıdi. Ornatylǵan datchıkter men dybystyq komandalardyń kómegimen oqýshy materıaldy qalaı meńgeretinin kórýge bolady. Stýdent arnaıy qurylǵyny saýsaqtarǵa, júrek aımaǵyna, uıqy arterııasyna jáne jelkesine taǵyp, nátıjesi shyǵarylatyn bolady. Bul stýdenttiń qandaı da bir aqparatty qanshalyqty jaqsy meńgergenin túsiný úshin jasalady, – dedi joǵary deńgeıdegi maman Aleksandr Klımýk.
Semınar eki bólimnen turdy. Alǵashqy bólimde qonaqtarǵa "Uly dalanyń jeti qyry" baǵdarlamalyq maqalasynyń negizgi erejeleri men mindetteri tanystyrylyp, "Rýhanı jańǵyrý" aımaqtyq ortalyǵynyń qyzmeti men arnaıy baǵdarlamalardy júzege asyrý týraly tolyq túsinik berildi. Al, ekinshi bólimde semınarǵa qatysýshylar baǵdarlamany júzege asyrý aıasynda is-sharalar kestesin qurastyrýmen jáne jańa jobalardy ázirleýmen aınalysty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir