• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:22:44
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

08 Qyrkúıek, 2019 Aımaqtar

Moıynqumda alma sharýashylyǵyn qolǵa alýǵa múmkindik mol

Elbasynyń «Uly Dalanyń jeti qyry» atty baǵdarlamalyq maqalasynda «Qazaqstan –alma men qyzǵaldaqtyń otany» dep atalatyn taraý bar. Munda elimizdiń tabıǵı, geografııalyq erekshelikterine baılanysty alma men qyzǵaldaqtyń birneshe túriniń ósip, álemniń túpkir-túpkirine taralyp otyrǵany aıtylady. Sáıkesinshe Jambyl oblysynyń agrarlyq áleýetinde alma sharýashylyǵynyń alatyn orny erekshe, dep jazady Qamshy.kz aqparat agenttigi. 

Jambyl oblysyndaǵy Merki aýdanyndaǵy «Merki tájirıbe sharýashylyǵy» jaýapkershiligi shekteýli seriktestigi alma ósirip, odan mol ónim alyp otyrǵan birden bir agroqurylym sanalady. Seriktestikte daıyn alma jemisinen bólek onyń kósheti de oblystyń barlyq aýdandaryna satylady. Osylaısha bir ǵana tájirıbe sharýashylyǵy negizinde oblys dıqandary alma jemisiniń ekonomıkalyq turǵydan tıimdiligi men densaýlyqqa paıdalylyǵyn eskerip ony kóptep ósirýge kóńil bólýde. Tipti tabıǵaty shól jáne shóleıtti aımaqqa jatatyn Moıynqum aýdanynda alma sharýashylyǵynda ilgerileýshilik baıqalady. Bir kezderi aýdanda «Jasulan» keńshary 200 gektar jerge alma baǵyn ornatyp, odan mol ónim alǵan. Tipti Moıynqumnyń almasy Jambyl óńirinen bólek elimizdiń soltústik óńirlerinde úlken suranysqa ıe bolǵany bar. Sondaı-aq Keńes odaǵy tusyndaǵy aýdandaǵy Aıdarly, Moıynqum, Jazylbek Qýanyshbaev atyndaǵy keńsharlar da alma baǵy bolǵan eken. Alaıda Táýelsizdiktiń alǵashqy jyldarynda tistegenniń aýzynda, ustaǵannyń qolynda jetken gıdroqurlym júıeleri bul baqtarda sý tapshylyǵynyń oryn alýyna yqpal etti. Qazir aýdan ákimi Máden Musaevtyń basshylyǵymen óńirdegi kanaldardyń áleýetin tolyq paıdalaný máselesi kún tártibine qoıyldy. Sonyń esebinen aýdanda sýarmaly egistik kólemin arttyrý úshin eginge sýdy ýaqyttyla berý jumystarynyń boıyna qan júgirdi. Aýdan belsendileri endi Moıynqumda alma baqtarynyń kólemin kóbeıtý qajettigi týraly bastama kóterip júr. Sonda bir kezderi kúlli respýblıkany «Jasulannyń almasy-aı» degizgen alma sharýashylyǵyndaǵy Moıynqumnyń dańqy qaıta kókke órlemek.

Búginde Jambyl oblysynyń Jambyl, Baızaq, Merki aýdandarynda alma baqtarynyń ónimderi jergilikti turǵyndar suranysyn ótep keledi. Sondaı-aq alma sharýashylyǵyn údemeli baq tehnologııasy engeli de bul iste ilgerileýshilik baıqaldy. Endigi jerde oblystyń alma sharýashylyǵyndaǵy atyn shyǵarýǵa Moıynqum aýdany úles qosýdan úmitti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir