• USD 378.65
  • EUR 430.07
  • RUB 6
  • CNY 55.1
23 Qyrkúıek, 16:03:01
Kekilbaevqa arnalǵan kesh

09 Qyrkúıek, 2019 Mańǵystaý oblysy

Bolashaq kásipkerler qaıtarymsyz qarajat alady

Mańǵystaý oblysynda nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan "Eńbek" memlekettik baǵdarlamasy aıasynda qaıtarymsyz qarajat berý jalǵasýda. Grant kólemi- 250 myń jáne 505 myń teńge. Bul qarjy bolashaq kásipkerlerge óz isin dóńgeletý úshin beriledi. Aqtaýda óńirlik kásipkerler palatasynda osy baǵdarlamasy boıynsha úmitkerlerdi anyqtaýǵa arnalǵan shara ótti. Arnaıy komıssııa bul joly 24 úmitkerdiń jobasyn sarapqa saldy. Qatysýshylar áleýmettik jaǵdaıy nashar, ıaǵnı múgedektigi, jarymjan balalardyń asyraýshylary, kópbalaly, tolyq emes otbasy, oralman jáne jumys kózin kóptep ashýy jaǵynan saralandy. Ár qatysýshyǵa óz bıznes-jobasynyń tıimdiligin dáleldeý úshin jeke-jeke ýaqyt berilip, komıssııa aldynda qorǵaýǵa múmkindik jasaldy.

Solardyń biri - Injý Medıeva. Úshinshi top múgedegi, alty balanyń anasy. Ol Shetpe aýylynan kilem jýý qyzmetin qolǵa alǵysy keledi. Sóıtip otbasyna turaqty tabys kózin tappaq.Uzaq jyl jumyssyz otyrǵan ol mundaı kásip shaǵyn aýylda múldem joq ekenin alǵa tartty. Sondyqtan da tapsyrystyń kóp bolaryna senimdi. qarajat

Áleýmettik osal toptarǵa jatatyn jandar shashtaraz, kondıter ónimderi, tigin sheberhanasy, qus jáne mal sharýashylyǵy t. b kásip ashýǵa daıyn.

Sondaı-aq, Aqtaýda "Jas kásipker" jobasynyń tyńdaýshylary da 200 AEK grant alýdan úmitti. 33 jas talap tyń jobalaryn arnaıy komıssııa aldynda qorǵap shyqty. qarajat

Komıssııa otyrysynda tyń, halyq úshin asa qajet jobalar maquldanady. Barlyǵy da jumyssyz jandar. Olardyń alǵan qural-jabdyqtary jasaǵan kásipteri bir jyl boıy tekserilip otyrady. «Atameken» kásipkerler palatasy áleýmettik jaǵdaıy az qamtylǵan jandardyń aıaqqa turyp ketýine úlken múmkindik jasap otyr»,- deıdi romıssııa tóraǵasy Nurlybek Jarylǵapov.

Baǵdarlama qatysýshylary «Atamekenniń» jobalaryna alǵys aıtyp, kásiptiń násibin kóretin kúnge jeter kúnge jaqyndadyq dep qýandy. qarajat

«Eńbek» - áleýmettik joba.  Mańǵystaý oblysynyń kásipkerler palatasynda  bul baǵdarlama qatysýshylaryna jańa bıznes-ıdeıalardy iske asyrýǵa arnalǵan memlekettik granttar berý jónindegi komıssııa kásipkerlerdiń josparlaryn egjeı-tegjeı talqylady. Qaıtarymsyz qarajatqa qol jetkizýge oblystaǵy Qaraqııa, Mańǵystaý, Túpqaraǵan, Beıneý, Munaıly aýdandary men Aqtaý, Jańaózen qalalarynyń turǵyndary nıetti.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir