• USD 378.65
  • EUR 430.07
  • RUB 6
  • CNY 55.1
17 Qyrkúıek, 09:05:42
Qazaqstanda másele sheshilý úshin aldymen adam ólýi kerek

09 Qyrkúıek, 2019 Mańǵystaý oblysy

Aqtaýdaǵy mektepte kún stansııasy iske qosyldy

Aqtaýdaǵy Nazarbaev Zııatkerlik mektebinde «Mektepterge kún energııasy» jobasynyń ekinshi kezeńi júzege asty. Bilim ordasynda kún stansııalary iske qosyldy.

Saltanatty sharaǵa Mańǵystaý oblysynyń ákiminiń orynbasary Qanybek Jumashev, «Nazarbaev Zııatkerlik mektepteri» DBBU basqarma tóraıymy Kúlash Shamshıdınova jáne «Shell Qazaqstan» kompanııasynyń ókilderi qatysty. NIS

Endi oqý ornynyń terrıtorııasyna ornatylǵan 320 panel tutynylatyn elektr energııasyn 30%-ǵa deıin únemdeıdi. Qurylǵy 100 kvt/saǵ energııa óndiredi.

Kún stansııalarynyń iske qosý qurmeti «Shell Qazaqstan» kompanııasynyń kommersııalyq máseleler jónindegi bas menedjeri Eıden Merfı men bilim ordasyndaǵy 12-synyp oqýshysy, kóptegen respýblıkalyq, halyqaralyq baıqaýlar jeńimpazy Ǵalammadın Asqarǵa buıyrdy. NIS

-Zııatkerlik mektepterde ekinshi jyl júzege asyrylatyn «Mektepterge kún energııasy» jobasy biz úshin basymdyq bolyp tabylady. Bul STEM-bilim berýdi engizý úshin jáne eń bastysy, oqýshylarymyzdyń ekologııalyq mádenıetin, tabıǵatqa jaýapkershilikpen qaraýdy tárbıeleý úshin tabysty joba. Búginde ornatylǵan kún júıeleri mektepterdiń energııa tutynýyn shamamen tórtten bir bólikke tómendetýge múmkindik beredi jáne bul jasyl ekonomıkanyń jahandyq mánin dáleldeıtin kórsetkish, - dedi «Nazarbaev Zııatkerlik mektepteri» DBBU basqarmasynyń tóraıymy Kúlásh Shámshıdınova saltanatty shara barysynda.

 «Mektepterge kún energııasy» - «Shell» álemdik munaı-gaz brendiniń pılottyq jobasy 2018 jyldyń 1 jeltoqsanynda «Nazarbaev Zııatkerlik mektepteri» DBBU 10 jyldyq mereıtoıyna arnalǵan «Uly dala murageleri» forýmynda QR Tuńǵysh Prezıdenti N.Á.Nazarbaevqa tanystyrylǵan bolatyn. Joba Energetıka mınıstrligi, «Shell» kompanııasy jáne «Nazarbaev Zııatkerlik mektepteri» DBBU birlesken memorandýmy aıasynda júzege asyp otyr. NIS

«Shell» kompanııasynan eń alǵashqy kún energııasyn 2018 jyly Nur-Sultan qalasyndaǵy fızıka-matematıkalyq baǵyttaǵy Nazarbaev Zııatkerlik mektebi alǵan bolatyn. Munda 100 Kvt/saǵ qýaty bar fotoelektrli panelderi ornatylǵan kólik turaǵy salyndy. Bıylǵy jyly Oral, Atyraý, Almaty qalalaryndaǵy bilim oshaqtarynda osyndaı kún stansııalary ornatylady.

 NIS

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir