"Nege nesıesi keshirilgenderdiń tiziminde joqpyn?": Vıse-mınıstr áli de kesh emes ekendigin aıtty

Nesıesi ótelmegenderge Eńbek jáne halyqty áleýmettik qorǵaý mınıstri jaýap berdi, – dep jazady Qamshy.kz aqparat agenttigi. Astanalyq birneshe kóp balaly analar kredıttiń 300 teńgesin keshirý máselesi boıynsha aryzdandy. Eńbek jáne halyqty áleýmettik qorǵaý mınıstrligi osy máselege qatysty túsinikteme berdi.  Vıse-mınıstrdiń aıtýynsha, azamattar qujattardy jınastyryp, tıisti mekemelerge usynsa jyl sońyna deıin tizimge enedi eken. 

"Halyqtyń bes sanaty úshin qamtamasyz etilmegen qaryzdar boıynsha qaryzdardy esepten shyǵarý jónindegi is-sharanyń naqty aıaqtalý kúni joq.  Sondyqtan, eger adam óziniń mártebesin rastaıtyn qujattardy usynsa, jyl sońyna deıin ol tizimge enedi, al memleket qaryzyn óteý úshin 300 myń teńgege deıin qarajat bóledi", - deıdi Svetlana Jaqypova. 

"Birinshiden, kredıt kollektorlyq kompanııaǵa ótip ketse, ol kisilerdiń boryshy ótelmeıdi. Sosyn bizge kelip jatqan analardyń ishinde kredıtti 1 maýsymnan keıin alǵandar da bar. Al jarlyq shyqqannan keıin alynǵan kredıtter óteýge jatpaıdy. Sondaı-aq kóp azamattardyń neke qııý týraly kýálikter bazada tirkelmegen bolyp shyǵady. Sol sebepti biz ondaı azamattardy ádilet mınıstrliginiń aqparattyq júıesine tirkeýge jiberemiz. Olar AHAJ bólimderi arqyly óz málimetterin tirkeıdi. Ekinshi sebep, asyraýshysynan aıyrylǵan azamattardyń málimetteri bolmaı shyǵady. Olardy da ádilet mınıstrligine jiberip otyramyz", – deıdi Vıse-mınıstr Svetlana Jaqypova elordada ótken baspasóz maslıhatynda. 

Sonymen qatar kópbalaly otbasylardyń balalary JOO-da oqyp jatqany týraly málimettiń bolmaýy da nesıeniń ótelmeýine sebep bolýy múmkin.