• USD 378.65
  • EUR 430.07
  • RUB 6
  • CNY 55.1
20 Qyrkúıek, 08:13:50
Latyn álipbıine kóshý máseleleri semınar-keńeste sóz boldy

09 Qyrkúıek, 2019 NEWS

"Baspana Hıt" baǵdarlamasy boıynsha 13 myńnan asa páter satylǵan

Qazaqstandyqtar "Baspana Hıt" baǵdarlamasy boıynsha qaıtalama naryqtan 13 myńnan astam páter satyp alǵan dep habarlaıdy Qamshy.kz aqparat agenttigi Tengrinews.kz saıtyna silteme jasap.

Bul turǵyn úıdi bastapqy naryqtan ǵana satyp alýǵa múmkindik beretin "7-20-25" baǵdarlamasyna qaraǵanda, 3 myń páterge artyq.

Alaıda maquldanǵan kredıtter somasy "7-20-25" baǵdarlamasy boıynsha 120 mıllıard teńgeni, "Baspana Hıt" baǵdarlamasy boıynsha 104 mıllıard teńgeni qurady.

"Baspana Hıt" pen "7-20-25" baǵdarlamasy boıynsha qaryz alýshylardyń 62 paıyzynyń aı saıynǵy tólem somasy 100 myń teńgeden aspaıdy. Qaıtalama naryqtan satyp alynǵan turǵyn úılerdiń ortasha quny 9,8 mıllıon teńgeni quraıdy. Bul "7-20-25" baǵdarlamasy boıynsha satyp alynǵan turǵyn úılerdiń ortasha qunynan 4,5 mıllıon teńgege arzan.

"Biz baǵdarlamanyń iske qosylýynyń bastapqy kezeńderinde-aq sandyq kórsetkish boıynsha "Baspana Hıt" "7-20-25" baǵdarlamasynan basyp ozatynyna sendik, sebebi naryq mundaı suranysqa daıyn bolǵan joq. Qaıtalama naryqtyń tereńdigi bastapqy naryqqa qaraǵanda, áldeqaıda artyq. Alaıda, ekonom-klasstaǵy jańa qurylystyń kóbeıip keletin  sanynyń paıdalanýǵa engizilýine qaraı trend "7-20-25" baǵdarlamasynyń paıdasyna ózgerýi tıi", - deıdi "Baspana" ıpotekalyq uıymy basqarma tóraǵasynyń orynbasary Rústem Qydyqov. 

Eske salaıyq, Elbasynyń tapsyrmasyna sáıkes Qazaqstan Respýblıkasynyń Ulttyq banki 2018 jylǵy maýsymda "7-20-25" baǵdarlamasyn iske qosqan. Baǵdarlama arqyly jańadan salynǵan qurylystan jyldyq 7 paıyz mólsherlemesimen, 20 paıyz jáne odan joǵary bastapqy jarnasymen 25 jylǵa deıin kredıtter beriledi. Alaıda, suranys qaryz alýshylar arasynda páterdi qaıtalama naryqtan satyp alý qajettigi bar ekenin kórsetken. 2018 jylǵy qyrkúıekte jyldyq 10,75 paıyz mólsherlemesimen, 20 paıyz jáne odan joǵary bastapqy jarnasymen jáne 15 jylǵa deıingi kredıtteý talaptarymen "Baspana Hıt" ónimi iske qosylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir