Qytaıda birneshe qýatty jer silkinisi bolyp, bir adam qaza tapty

Qytaıda kúshi 5,4 balldyq jer silkinisi boldy dep habarlaıdy Qamshy.kz aqparat agenttigi tengrinews.kz saıtyna silteme jasap.

Aqparatqa sáıkes, tabıǵı apattyń oshaǵy Sychýan provınsııasyndaǵy Neıszıan qalasynan 1 shaqyrym jerden ótip, kindigi 10 shaqyrym tereńdikte tirkeldi. 

Zilzal saldarynan bir adam qaza tapty. Sondaı-aq, 29 adam jaralanǵan.

Keıin Sychýan provınsııasynyń ońtústik-batysynda magnıtýdasy 4,3 taǵy bir jer silkinisi tirkeldi.

Qytaı seısmologııalyq ortalyǵynyń málimetinshe, zilzala oshaǵy Veııýan ýeziniń Neıszıan qalasynan 20 shaqyrym jerde bolǵan. Jer silkinisi jergilikti ýaqytpen saǵat 10:36-da tirkelgen. Ol 7 shaqyrym tereńdikte bastalǵan. Ol 16 mıllıon turǵyny bar Chendý qalasynan 140 shaqyrym, 31 mıllıon turǵyny bar Chýnsın qalasynan 200 shaqyrym jerde boldy.

Sınhýa agenttiginiń habarlaýynsha, Veııýan ýezinde buǵan deıin bir qýatty jer silkinisi bolǵan. Alǵashqy jer dúmpýiniń magnıtýdasy 5,4 boldy, ol tańǵy saǵat 06:42-de tirkeldi.