• USD 378.65
  • EUR 430.07
  • RUB 6
  • CNY 55.1
18 Qyrkúıek, 11:59:58
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, "Qamshyńa" jazshy», – deıdi ákem

06 Qyrkúıek, 2019 NEWS

Shyǵys Qazaqstanda erekshe arheologııalyq oljalardy qonaqtarǵa kórsetti

О́skemendegi D.Serikbaev atyndaǵy ShQMTÝ-da "Altaı – túrki áleminiń altyn besigi" halyqaralyq konferensııasy ótti.

Oǵan sonaý Fransııa, Reseı, Túrkııa, Úndistan, Japonııa, Ázerbaıjan memleketteri men elimizdiń shyǵarmashylyq ıntellıgensııasynyń ókilderi jınaldy. 
 
Konferensııa bastalmas buryn jıylǵan qaýym sońǵy jyldary Shyǵys Qazaqstan oblysynda tabylǵan tarıhı jádigerler usynylǵan kórmeni tamashalady. Kórmedegi eń basty eksponattardyń qatarynda ShQO-ny mekendegen saq dáýirindegi adamdardyń kıim-keshekteri men kúndelikti turmys-tirshilikte qoldanǵan zattary qaıta qalpyna keltirilgen kúıinde qonaqtarǵa usynyldy. 
 
kórme
 
Konferensııany oblys ákiminiń orynbasary Ásem Núsipova ashty.
 
– Bizdiń óńirde, 2016 jyldan beri damytý baǵdarlamasy iske asyrylýda. Nátıjesinde belgili ǵalym Z.Samashev pen Á.Tóleýbaevtiń jetekshiligimen 20 myńnan astam qundy artekfakt tabyldy. Osylaısha, oblystaǵy tarıhı-ólketaný murajaıynyń qory tolyqty. Sońǵy tórt jyldyń ishinde júrgizilgen arheologııalyq jumystar barysynda ejelgi mádenıet týraly ǵylymı tanymymyzdy keńeıttik. Búginde Ulan aýdanyndaǵy Aqbaýyr tarıhı kesheninen saqtardyń qonysy tabyldy. Ásirese, bizdiń Shyǵys óńirinde Altaıdy zertteýge zor kóńil bólinip, qazba jumystary júrgizilýde. Z.Samashev, Á.Tóleýbaev syndy otandyq ǵalymdardyń jetekshiligimen Berel, Shilikti, Eleke sazynda júrgizilip jatqan qazba jumystary da nátıjesiz emes. Qazba jumystary kezinde tabylǵan tarıhı jádigerlerge búginde shetel ǵalymdarynyń ózi tańdaı qaǵýda, – dedi Ásem Núsipova.
 
Konferensııaǵa Túrkııanyń Qazaqstandaǵy tótenshe jáne ókiletti elshisi Nevzat Ýıanyk, Koreıanyń Qazaqstandaǵy elshisi Han Man Chýn, Úndistannyń Qazaqstandaǵy elshiliginiń birinshi hatshysy, Svamı Vıvekananda atyndaǵy úndi mádenı ortalyǵynyń dırektory Sandjaı Garg qatysty.
 
p
 
Konferensııa barysynda Zeınolla Samashev "Qola dáýiri men erte ortaǵasyr kezeńindegi Altaı-Tarbaǵataı" tarıhy týraly baıandama jasady. Budan soń Ábdesh Tóleýbaev Shilikti jazyǵy men Tarbaǵataı taý bókterindegi ejelgi jáne ortaǵasyrdaǵy eskertkishter týraly keńinen baıandady.
 
Konferensııa barysynda Edıtep ýnıversıtetiniń (Stambul, Túrkııa) tarıh bóliminiń jetekshisi, professor Ahmet Tashaǵyl "Qytaı derekkózderi boıynsha ejelgi túrikterdiń tarıhy" taqyrybynda dáris oqydy. Sonymen qatar Ázerbaıjan Ulttyq ǵylym Akademııasynyń Arheologııa jáne etnografııa ınstıtýtynyń jetekshi ǵylymı qyzmetkeri, tarıh jónindegi fılosofııa doktory Tahıra Shahbazova (Baký, Ázerbaıjan) "Ázerbaıjandaǵy qypshaqtar: toponımderde saqtalǵan tarıh" atty baıandamasyn jasady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir