Qajygeldın: Nazarbaev menen keshirim surady (vıdeo)

Qazir Eýropada turyp jatqan Qazaqstannyń burynǵy premer-mınıstri Ákejan Qajygeldın Qazaqstandy 30 jylǵa jýyq úzdiksiz bılegen Nursultan Nazarbaevpen shetelde kezdeskeni týraly aıtty, dep jazady Qamshy.kz aqparat agenttigi. Bul týraly Qajygeldın Azattyq Radıosyna bergen suhbatynda aıttyp berdi.  

Qajygeldınniń sózinshe, ol Nazarbaevpen shetelde júrgen kezinde kezdesken, Nazarbaev odan keshirim suraǵan. 

"Men ol kisige (red. Nazarbaevqa) aıttym. Nureke, sizdiń eń basty qıynshylyǵyńyz - siz halyqty, qazaqty bólip júrsiz. Janyńyzda Rahat (Nazarbaevtyń úlken qyzy Darıǵa Nazarbaevanyń kúıeýi) bar, Tımýr (Nazarbaevtyń ekinshi qyzy Dınara Nazarbaevanyń kúıeýi) bar, men nege joqpyn. Meniń kinám nede? Meniń sizge syn aıtqanymda ma? Siz meni qyzmetke shaqyrǵanda kelisip edik qoı. "Men sizge unasyn, unamasyn shyndyqty aıtyp turamyn degenmin. Siz sonda "jaraıdy, meıli" degensiz dep aıttym. Sonda ol kisi (red. Nazarbaev) menen keshirim surady ǵoı. Aıtty, "aınalaıyn, keshir. Bizdiń barlyq jasaǵan tirshilik artyq bolyp ketti" dedi. Sony moıyndaı da, kezdesýden shyqqan soń basqasha jasaıdy", deıdi Qajygeldın. 

Sonymen qatar Qyjygeldın suhbat barysynda eldegi basqa da saıası ahýaldarǵa qatysty pikirin aıtty.