• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:13:27
Qazaqstanda másele sheshilý úshin aldymen adam ólý kerek

06 Qyrkúıek, 2019 NEWS

Ermurat Bapı JSDP tóraǵalyǵynan ketýine baılanysty jıyn ótkizdi

Ermurat Bapıdiń sózinshe, onyń ornynan alynýy kútpegen jerden bolǵan.

Búgin, erteńgisin "Aqıqat" JSDP partııasynyń 15-sezinde Ermurat Bapı partııa tóraǵalyǵynan alastatylǵany belgili. Máselege baılanysty jýrnalıst tústen keıin jıyn ótkizip, oqıǵanyń mán-jaıyn aıtyp berdi, dep habarlaıdy Qamshy.kz aqparat agenttigi. 

Ermurat Bapıdiń sózinshe, onyń ornynan alynýy kútpegen jerden bolǵan. Tipti keshe keshke partııa músheleri dastarhan basynda bas qosqan. Onda bul jóninde eshqandaı áńgime qozǵalmaǵan.

Ermurat Bapı partııa tóraǵalyǵy úshin talaspaıtynyn, azamattyq kózqarasyn ózi shyǵaratyn "Dat" gazeti arqyly bildire beretinin málimdedi.

Jıynǵa qatysqan qoǵamdyq belsendi Ýálıhan Qaısarovtyń pikirinshe, bul prezıdent ákimshiliginiń áreketi. Olardyń maqsaty – partııany qurtý, joıý. Nemese múddeles úshinshi tarap aralasyp otyrǵan bolýy da ǵajap emes. Onyń artynda olıgarhtar tursa kerek. Onyń aıtýynsha, qalaı bolǵanda da bılikke partııanyń qyzmetin toqtatqany tıimdi.

Jıyn barysynda Ermurat Bapıdi saıası kúres jolynan ketpeýin, bul isti sońyna deıin jetkizýin suraǵandar kóp boldy. Arasynda sóz alǵan jýrnalıst Seıtqazy Mataev partııa músheleriniń bul áreketiniń zańsyz ekenin aıtty.

Bul oımen jınalǵan jurttyń kóbi kelisti. Jıynda alda bolatyn parlament saılaýyna deıin jańa partııa qurý týraly usynystar aıtyldy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir