09 Qyrkúıek, 2019 NEWS
Qazaqstan Respýblıkasy eńbek jáne halyqty áleýmettik qorǵaý mınıstrliginiń saıtynda el prezıdenti Qasym-Jomart Toqaevtyń jarlyǵyna sáıkes kredıtińizdiń keshirilgen, keshirilmegenin teksere alasyz. Ol úshin enbek.gov.kz siltemesine basyp, ózińizdiń JSN-ińizdi engizińiz.
Kimniń kredıti óteledi?
Kredıti óteletinder qataryna 2019 jyldyń 26 maýsymyndaǵy jaǵdaı boıynsha tómendegi áleýmettik statýsy bar adamdar kiredi:
-kópbalaly otbasylar,
-asyraýshysynan aıyrylǵany úshin ótemaqy alatyndar,
-múgedek balalary bar otbasylar, bala kúnnen múgedektegi bar 18 jastan asqandar,
-memlekettik áleýmettik kómek alatyndar,
-jetim balalar, ata-ana qamqorlyǵynsyz qalǵan balalar, ata-anasynan kámletke deıin aıyrylǵan, 29 jasqa tolmaǵandar.
Eger siz tizimde bolmasańyz ne isteý kerek?
Eger siz joǵarydaǵy sanattardyń birine kiretin, biraq qaryzy keshiriletinder tizimde bolmasańyz 111 biryńǵaı nómirine habarlasyp, ózińiz jáne otbasyńyz týraly málimetterdi berińiz. Budan keıin memlekettik organdar Siz týraly aqparatty tekserip, joǵary sanattyń birine kiretinińiz anyqtalsa, tizimge qosady.
Alaıda áleýmettik dárejesi bola tura Ulttyq banktiń aqparaty boıynsha 2019 jyldyń 1 maýsymyndaǵy jaǵdaı boıynsha tómendegi adamdar tizimge kirmeıdi:
- kredıti joqtar;
- jalpy qaryzy 3 mln. teńgeden asatyndar;
- qaryzdary kollektorlyq uıymdarǵa ótip ketken tulǵalar.
Qansha kólemdegi kredıt jabylady?
Negizgi qaryz ben onyń syıaqysynan quralatyn, óteletin kredıttiń mólsheri bir boryshker úshin 2019 jyldyń 1 maýsymyndaǵy jaǵdaı boıynsha 300 000 (úsh júz) myń teńgeden aspaıdy.
Tizim týraly suraqpen bank bólimshelerine barýdyń keregi joq. Bankter tek oryndaýshy.
HQKO-y tek tizimde bar-joǵyńyzdy ǵana aıta alady. Ony HQKO-na barmaı-aq egov.kz nemese enbek.gov.kz-taǵy arnaıy qyzmet arqyly bilýge bolady. HQKO ne úshin tizimde joǵyńyzdy aıta almaıdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir