• USD 468.56

  • EUR 497.56

  • RUB 7.3

  • CNY 67.18

29 Naýryz, 14:05:44
Almaty
+35°

Qoǵam belsendisi, advokat Aıman Omarova Ulttyq keńestiń jıynynda sot júıesine ózgeris engizilý kerektigin aıtty dep jazady Qamshy.kz aqparat agenttigi.  

"Elimizdiń basty baılyǵy – adam. Men tek qana quqyq qorǵaýshy emespin, advokatpyn. Qazirgi kezde saıası toptyń múshesi retinde belgili bir zańdarǵa ózgeris engizilgenin qalaımyn. 

Birinshiden, advokattardyń táýelsizdigine nazar aýdarý kerek. Advokattar sýdıadan, prokýrordan qorqyp júrgen adamdar. Bulaı bolmaýy kerek. Ásirese aýyldaǵy advokattardyń jaǵdaıy qıyn. Bir-eki aýdanda 1-2 advokat bar. 

Ekinshiden, BAQ týraly zańǵa ózgeris engizilse. Ásirese QR Qylmystyq kodeksinde jala jabý degen 130-bap bar. Muny alyp tastaý kerek. Sebebi, jýrnalıster eshkimnen qoryqpaı, aqparat taratýy qajet. Buǵan azamattyq istiń ózi de jetkilikti. Qazir mende 13 jýrnalıst bar. Solardyń quqyǵyn qorǵap júrmin. Jýrnalısterdi balaǵattaǵan, qorqytqan jáne soqqyǵa jyqqan. Bul bizdiń ımmıdjimizge keri áserin tıgizedi.  

Úshinshiden, bizde bosqyndar týraly zań bar. Mysaly, jol júrý qujaty degen bar. Bul bosqyn mártebesi berilgen adamǵa Qazaqstan aýmaǵy sheginen tysqary jerlerde júrip-turýǵa beriledi. Biraq atalmysh qujat halyqaralyq standarttarǵa saı emes. Tek qana formaldy túrde bar. Sol sebepti túbegeıli reforma kerek. 

Tórtinshiden, túrme reformasy. Túrme adamdy túzetpeıdi. Kóbisi túrme kýrort emes qoı, dep túsinbeı jatady. Sonda bizge tergeýdiń, sottaýdyń ne qajeti bar? Uryp-soǵatyn bolsaq, sottyń ne qajeti bar? Kerisinshe, qylmysker túrmede túzelip, qoǵamǵa qaıtyp oralýy kerek. 

Besinshiden, zorlyq-zombylyqqa qatysty másele bar. Men qatty qınalatyndar zorlanǵan áıelder dep oılaýshy edim. Biraq qoǵamda zorlanǵan er balalar da bar. Osy máselege qatysty departament qurylýy kerek. Áıelderge bólek jáne balalarǵa bólek qurylýy qajet. 13 jastaǵy balany Saryaǵash aýdanynda zorlaǵan. Qasyndaǵy balalar ony "tesik" dep ataıtyn bolǵan. "Jyǵylǵanǵa judyryq" demekshi, Túrkistan aýdandyq soty zorlaǵan balany aqtap, bostandyqqa jibergen. Olar ınternatty japqysy kelmeıdi. Sonymen qatar, bir kishkentaı aýylda 14 er azamat bir qyzdy zorlaǵan. Biraq biz sol ispen ne bolyp jatqanynan habarsyzbyz. Halyqtyń sońǵy úmiti sot. "Sot júıesin ózgertý kerek" dep oılaımyn. Sot júıesinde tek kásibı mamandar jáne adal azamattar bolýy kerek", – deıdi Aıman Omarova.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir