05 Qyrkúıek, 2019 NEWS
Ashat Aımaǵambetov: A.Baıtursynuly shyn máninde ult ustazy, halqymyzdyń rýhanı kósemi bola bildi
"Ahmet Baıtursynulyn biz birinshi kezekte aǵartýshy, pedagog retinde tanımyz".
QR Bilim jáne ǵylym mınıstri Ashat Aımaǵambetov óziniń feısbýktaǵy paraqshasynda Ahmet Baıtursynulynyń týǵan kúninde ult ustazynyń oqý aǵartý isine sińirgen ólsheýsiz eńbegi týraly jazdy, dep habarlaıdy Qamshy.kz aqparat agenttigi.
"Dostar!
Búgin, ultymyzdyń uly ustazy, qazaq álippesi men qazaq tili oqýlyǵynyń atasy Ahmet Baıtursynulynyń dúnıege kelgen kúni.
"Basqadan kem bolmas úshin biz bilimdi, baı hám kúshti bolýymyz kerek. Bilimdi bolýǵa oqý kerek. Baı bolýǵa kúsh kerek. Kúshti bolýǵa birlik kerek. Osy kerekterdiń jolynda jumys isteý kerek!" degen Ahmet Baıtursynulyn biz birinshi kezekte aǵartýshy, pedagog retinde tanımyz.
A.Baıtursynuly 1895-1909 jyldary Aqtóbe, Qostanaı, Qarqaraly ýezindegi aýyldyq jáne bolystyq mektepterde muǵalim, Qarqaraly qalalyq ýchılıshesinde muǵalim, keıinnen meńgerýshisi bolǵan. Ol kisiniń bilim salasyna qatysty zertteýleri arqyly qazaq mektebin, tutas ulttyq oqý-aǵartý salasyn jańa satyǵa kóterýin – biz umytsaq ta, tarıh umytpaıdy. Ol shyn máninde ult ustazy, halqymyzdyń rýhanı kósemi bola bildi.
Elimizdiń balalary atamyzǵa uqsaǵan bilimdi, adamı qasıeti joǵary azamat bolyp qalyptasýlaryna tilektespin!" dep jazady mınıstr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir