• USD 378.65
  • EUR 430.07
  • RUB 6
  • CNY 55.1
23 Qyrkúıek, 16:02:46
Kekilbaevqa arnalǵan kesh

06 Qyrkúıek, 2019 Saıasat

"Biz búlikshi emespiz". Almatyda narazylar bıliktiń saıasatyn synǵa aldy (vıdeo)

Narazylar Qazaqstandy 30 jylǵa jýyq úzdiksiz bılegen Nazarbaevtyń saıasatyn synǵa alyp, onyń "bılikten túbegeıli ketýin" talap etti.

5 qyrkúıekte Almatydaǵy "Astana" alańynda 40-qa jýyq azamat jınalyp,  "Qytaı ekspansııasyna jol joq!", "Saıası tutqyndarǵa bostandyq!" degen narazylyq sharasyn ótkizdi dep jazady Qamshy.kz aqparat agenttigi.

Keshki saǵat 6-dan bastap alańǵa jınalǵan narazylar 3 qyrkúıekten beri "Qazaqstanda Qytaı yqpalynyń kúsheıgenin" aıtyp, narazylyq bildirip jatqan jańaózendikterdi qoldaıtyndaryn aıtty. Sonymen qatar narazylar Qazaqstandy 30 jylǵa jýyq úzdiksiz bılegen Nazarbaevtyń saıasatyn synǵa alyp, onyń "bılikten túbegeıli ketýin" talap etti.

Jıynynda sóz sóılegen belsendi Besjan Tóleýbekuly Almatyda kesheden beri ótip jatqan "Qytaı ekspansııasyna jol joq" degen narazylyq sharasyna qatysyp jatqandar "eshqandaı búlikshiler emes" ekenin,olardy "alańǵa jınalýǵa eshkim úgittemegenin" aıtty. Sonymen qatar Tóleýbekuly:  "Demoktarııalyq memlekette saıası tutqyndar degen bolmaıdy, sondyqtan qamaýdaǵy saıası tutqyndardyń barlyǵy bosatylsyn. Árbir adamdy jeke-jeke atap emes, túgeldeı bosatsyn. Sol kezde ǵana biz demekratııalyq el ekendigimizge senemiz. Qaǵaz júzinde emes, is júzinde. Bizde qazir demokratııa degen sóz bar, ókinshike qaraı demokratııa degen uǵym joq", dedi.

Alańǵa jınalǵandarmen sóılesýge jergilikti bılik ókilderinen eshkim kelgen joq. Tek narazylardy syrtynan sýretke túsirip júrgen adamdar boldy. Jınalǵandar olardyń "bılik tapsyrmasyn oryndap júrgen adamdar" ekenin aıtty. 

Buǵan deıin 4 qyrkúıekte Almaty qalalyq ákimdigi ǵımaratynyń aldyna 50-den asa azamat jınalyp, segiz saǵat boıy narazylyq sharalaryn ótkizdi. Olar ol kezde de "Qytaı ekspansııasyna jol joq!", "Saıası tutqyndarǵa bostandyq berilsin!" degen eki negizgi talaptaryn aıtty. Narazylarmen sóılesýge Almaty qalasy ákiminiń orynbasary Saparbek Tuıaqbaev shyǵyp, olarǵa "bul jınalǵandary zańsyz" ekenin eskertip, "tarap ketýdi" talap etti. Narazylar ákimdik ǵımaraty ornalasqan "Jeltoqsan" kóshesimen "Astana" alańyna deıin sherýletip baryp, keıin tarady. 

3 qyrkúıekte Mańǵystaý oblysyn Jańaózen qalasynyń eki júzden astam turǵyny qalanyń ortalyq alańyna jınalyp, Qytaıdyń Qazaqstandaǵy jobalaryn toqtatýdy talap etken edi. Sodan keıin 4 qyrkúıekte Nur-Sultan, Aqtóbe jáne Shymkentte de belsendiler "Qytaı ekspansııasyna qarsy" aksııa ótkizgen.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir