• USD 468.56

  • EUR 497.56

  • RUB 7.3

  • CNY 67.18

29 Naýryz, 01:04:10
Almaty
+35°

El ekonomıkasynyń kúre tamyry – aýyl ekeni daýsyz. Al eldi mekenderdiń eńsesin tikteıtin birden-bir tirshilik kózi - ónerkásip salasy. Kúni keshe Memleket basshysy Qasym-Jomart Toqaev ta óz Joldaýynda osy máseleni basa aıtyp, óndiris oryndaryn óristetýdi myqtap tapsyrdy. Osy oraıda, Jambyl oblysy Jambyl aýdanynda kóz súsindiretin tirshilik barshylyq dep jazady Qamshy.kz aqparat agenttigi. 

Resmı málimetke súıensek, aǵymdaǵy jyldyń esepti kezeńinde Jambyl aýdannyń jalpy shyǵarylǵan ónim kólemi 35 mıllıard 998,3 mıllıon teńgeni qurap, 2018 jyldyń tıisti kezeńimen salystyrǵanda 126,9 paıyzdy quraǵan. (2018 jyly – 28 mlrd. 349,6 mln. teńge).

О́nerkásip salasynda 11 mıllıard 134,5 mıllıon teńgege ónim óndirilgen. Bul kórsetkish 2018 jyldyń tıisti kezeńimen salystyrǵanda 220,6 paıyzǵa jetken. (2018 jyly – 5 mlrd. 047,1 mln. teńge). Naqty ındeks kólemi 100,3 paıyz boldy.

Jyl basynan beri «Amangeldi gaz óńdeý zaýyty» jaýapkershiligi shekteýli seriktestigi 6 mıllıard 398,3 mıllıon teńgege 49,9 myń tonna ónim óndirgen (2018 jyly – 928,0 mln. teńgege 82,4 myń tonna).

О́nerkásip salasy boıynsha iri jáne orta kásiporyndarǵa kelsek, «KnaýfGıpsTaraz» jaýapkershiligi shekteýli seriktestigi 740,8 mıllıon teńgege (352,1 myń tonna) gıps ónimderi óndirgen nemese 100,6 paıyzdy quraǵan (2018 jyly – 736,6 mln. teńgege 356,3 myń tonna).

«BınomStroıDetal» jaýapkershiligi shekteýli seriktestigi 135,2 mıllıon teńgege (13,2 myń tonna) temirbeton buıymdaryn shyǵarǵan nemese ótken jyldyń tıisti kezeńimen salystyrǵanda 126 paıyzǵa oryndalǵan (2018 jyly – 107,2 mln. teńgege 10,5 myń tonna).

«Sýperfarm» jaýapkershiligi shekteýli seriktestigi 380,3 mıllıon teńgege (2 747 myń dana) matadan jasalmaıtyn medısınalyq buıymdar shyǵarǵan nemese 56 paıyzdy qurap otyr (2018 jyly– 681,5 mln. teńgege 7 441,0 myń dana).

«KazÝpakTreıd» jaýapkershiligi shekteýli seriktestigi bolsa, 57,1 mıllıon teńgege (5,7 myń tonna) gıps ónimderi óndirip nemese 77,4 paıyzdyq mejeni dittegen. (2018 jyly – 57,1 mln. teńgege 7,4 myń tonna).

Osylaısha ólkeniń ónerkásibi óristep, ónimi eselenip ósip otyr. Bul sóz joq janǵa jylý, kóńilge demeý beretin aqparat.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir