Kooperatıvterdiń kókjıegi keńeıýde

El Prezıdenti Qasym-Jomart Toqaev apta basyndaǵy Joldaýynda aýyl sharýashylyǵy kooperatıvterin qurý, sharýashylyqtardyń basyn biriktirý, sýarmaly egistik kólemin ulǵaıtyp, mal basyn arttyrý máselesin taǵy bir márte kótergeni belgili. Al bul baǵyttaǵy jumystar Jambyl jerinde birer jyldan beri júıesin taýyp otyr dep jazady Qamshy.kz aqparat agenttigi. 

Alaqandaı Jambyl aýdanynyń ózinde osyǵan deıin 3 aýyl sharýashylyq kooperatıvteri jumys istep tur. Atap aıtsaq, Asa aýylynda – «Asa Fermer» AО́K. Bordaqylanatyn MIQ sany – 20 bas. Grodekovo aýylynda – «Altyn belgi» AО́K. Saýyndy sıyr sany – 70 bas. Jınaǵan ónim kólemi – 163 tonna. Túrksib aýylynda – «Bes-Týr» AО́K. Bordaqylanatyn MIQ sany – 200 bas. Saýyndy sıyr sany – 240 bas. Jınaǵan ónim kólemi – 95 tonna.

Al aǵymdaǵy jyly jańadan 7 aýyl sharýashylyq kooperatıvteri quryldy. Olar Qarataý aýylyndaǵy – «Raıymbek» AShK. Egin jáne mal sharýashylyǵy baǵyty boıynsha. Besaǵash aýylyndaǵy – «Bereke-Besaǵash» AShK. Egin jáne mal sharýashylyǵy baǵyty boıynsha. Shaıqoryq aýylyndaǵy – «Gúljan» AShK. Sút ónimderi baǵyty boıynsha. Saýyndy sıyr sany – 362 bas. Eńbek aýylyndaǵy – «Eńbek-2019» AShK. Jem-shóp óndirý baǵyty boıynsha. Ashybulaq aýylyndaǵy – «Janbıke» AShK. Et jáne sút ónimderin jınaý baǵyty boıynsha. Saýyndy sıyr sany – 20 bas. Qarakemer aýylyndaǵy – «Maldyqyz» AShK. Et jáne sút ónimderin jınaý baǵyty boıynsha. Saýyndy sıyr sany – 80 bas. Jasórken aýylyndaǵy – «Ametkýlov Shynarbek» AShK. Sút ónimderi boıynsha. Saýyndy sıyr sany -735 bas.

Budan bólek aýdanda – 90 jylyjaı bar (kólemi 8 212 ga), onyń ishinde Asa aýyldyq okrýginde – 3, Aıshabıbi aýyldyq okrýginde – 1, Aqbulym aýyldyq okrýginde – 6, Qaratóbe aýyldyq okrýginde – 79, Polatqosshy aýyldyq okrýginde - 1.

Sý únemdeý tehnologııasyna kelsek, aýdan boıynsha barlyǵy 1094,7 gektar egis alqaptary jańa sý únemdeý tehnologııasymen sýǵarylady. Onyń ishinde 230 gektar jańbyrlatyp, 864,7 gektar tamshylatyp sýarý ádisi engizilgen.

Aýyl sharýashylyq tehnıkalaryna toqtalsaq, sharýa qojalyqtardyń óz qarajattary esebinen bıyl 12 mln. 350 myń teńgege 5 tehnıka satyp alynǵan. Tehnıkalar qarakemerlik «Ǵalymjan» sharýa qojalyǵyna tıesili.

Osylaısha jambyldyqtar asyraýshy salany alshań bastyrýda.