• USD 468.56

  • EUR 497.56

  • RUB 7.3

  • CNY 67.18

29 Naýryz, 16:43:29
Almaty
+35°

Qazaqstan Respýblıkasyn ındýstrııalyq-ınnovasııalyq damytýdyń 2015 - 2019 jyldarǵa arnalǵan memlekettik baǵdarlamasy talaı jobalardyń boıyna jan úrlegeni belgili. Ásirese kásipkerliktiń kókjıegin jyl sanap keńetýde. Jambyl oblysynda bul baǵytta baǵdaryn tapqan bastamalar barshylyq. Sondaı jobalardyń ekeýi Jambyl aýdanynda júzege asyp jatyr dep jazady Qamshy.kz aqparat agenttigi. 

Máselen aýdanǵa qarasty Qaroı aýyldyq okrýginen «TarazGazО́nimderi» jaýapkershiligi shekteýli seriktestiginiń «Suıytylǵan gaz ónimderin óndiretin zaýyt» qurylysyn iske asyrylýda. Joba Qytaı Halyq Respýblıkasynyń «Vızon Injınırıng LTD» kompanııasymen birlese júıesin taýyp jatyr. Joba quny shamamen 16 mıllıard teńge. Jer kólemi – 16,0 gektar. 108 adam jumyspen qamtylatyn bolady. Jobanyń bas jospary men tehnıka-ekonomıkalyq negizdemesi ázirlengen. «Vızon Injınırıng» kompanııasymen jobany iske asyrý boıynsha aldyn-ala tıisti kelisim-shart jumystary júrgizilgen. Qytaılyq ınvestor kompanııa tarapynan jobanyń smetalyq qujattary ázirlenýde. Joba Jambyl oblysynyń Indýstrıalandyrý kartasyna engizildi.

Aıshabıbi aýyldyq okrýginen «Sýper Farm» jaýapkershiligi shekteýli seriktestiginiń «Bir rettik medısınalyq buıymdar shyǵaratyn zaýytynyń kólemin keńeıtý» jobasyna da jan bitken. Joba quny shamamen 3,5 mıllıard teńge. Jer kólemi – 1,5 gektar. 250 adam jumyspen qamtylatyn bolady. Qazirgi kezde qurylys montaj jumystary júrgizilýde. Paıdalanýǵa berý merzimi 2019 jyldyń qarasha aıy. Joba Jambyl oblysynyń Indýstrıalandyrý kartasyna engizildi.

Jalpy Jambyl oblysy ındýstrııalyq jobalarǵa taptyrmas aımaq. Osyny túsingen sheteldik ınvestorlar jylda qyrýar qarjy aýdarýǵa qulyqty. Onyń bir reti aýyl sharýashylyǵy salasyna salynyp jatsa, otandyq óndiristi óristetýge de quıylyp jatqan ınvestısııa jeterlik. Bul árıne óńir ekonomıkasyna qarqyn qosatyny anyq. Sondyqtan Jambyl aýdanynda jandanyp jatqan eki ındýstrııalyq jobanyń da jurtshylyqqa bereri mol dep senemiz.

Árıne bári birden bola qalmaıtyny belgili. Alyp kásiporyndardyń boıyna qan júgirtý úshin úlken kúsh pen ýaqyt qajet. Degenmen óndiris orny óziniń qýatty kúshine shyqqanda talaı jambyldyqtardy jumyspen qamtyp, taýarlary eksporttyń áleýetin arttyrady dep kútemiz.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir