• USD 378.65
  • EUR 430.07
  • RUB 6
  • CNY 55.1
20 Qyrkúıek, 08:11:02
Latyn álipbıine kóshý máseleleri semınar-keńeste sóz boldy

04 Qyrkúıek, 2019 Aımaqtar

Dáýirdiń dara tulǵasynyń kórmesi Shý aýdanynda

Dáýirdiń dara tulǵasy, Elbasy Nursultan Ábishuly Nazarbaevtyń sarabdal saıasatyn búginde álem elderi moıyndaǵany jasyryn emes. Ult janashyry, Ult kósh basshysynyń árbir isi tarıhta altyn áriptermen saqtalary da daýsyz. Osy oraıda, «Rýhanı jańǵyrý» memlekettik baǵdarlamasy aıasynda Shý aýdany Shý qalasyndaǵy S.Seıfýllın atyndaǵ orta mektebinde «N.Nazarbaev: dáýir,tulǵa, qoǵam» atty kóshpeli kórmesi jobasy aıasynda aıtýly shara uıymdastyryldy dep jazady Qamshy.kz aqparat agenttigi. 

Atalǵan kórme aıasynda Qazaqstan Respýbıkasynyń Tuńǵysh Prezıdenti-Elbasy kitaphanasy «Tuńǵysh» ekskýrsııalyq konsepsııasynyń negiziginde kelýshiler «Tarıhı tańdaý.Bastamasy» «Tarıhı tańdaý.Umtylys» «Qazaqstannyń sporttyq dańqy» taqyryptyq ekskýrsııalaryn tamashalady.

Shara aldynda Elbasy kitaphanasynyń dırektory Á.M.Rahymjanov, orynbasary K.Q.Aqtaeva, Jambyl oblysy ákiminiń orynbasary S.Qurmanbekova, aýdan ákimi J.Aıtaqov jınalǵandar aldynda sóz sóılep, syı sııapattar almasty. Atap aıtqanda Á.Rahymjanov sharanyń mańyzy men mazmunyna toqtalyp, joba avtory saıasattanýshy ǵalym, kórnekti qaıratker, Elbasy N.Nazarbaevtyń qasynda 30 jyl jumys jasap kele jatqan M.Qasymbekovtyń duǵaı sálemin jetikizip, aýdan ákimi J.Aıtaqovqa jáne mektep dırektory J.Shalbaevaǵa Alǵys hat tapsyryp, uıymdastyrýǵa at salysqandary úshin alǵysyn jetkizip, Elbasy týraly qundy eńbekterdi syıǵa tartty. Sondaı –aq aýdan basshysy J.Aıtaqov ta óńirge kelgen meımandarǵa rızashylyǵyn bildirip, joba jumysynan sáttilik tilep Elbasy kitaphanasyna estelik syılyq tabystady.

Sodan keıin kelýshiler Elbasy ómirinen syr shertetin, habar beretin derektermen tanysyp,jádigerlerdi jaqynan kórip, tájirbıeli nusqaýshylardyń baıandamasyn tyńdady. Aýdan turǵyndaryna sırek kezdesetin beınematerıaldyń, fotosýretter men arhıvtik qujattar, jádigerlerdiń biregeı kesheni usynylyp, kelýshilerge erekshe áser syılady.Al, Ámirhan Muratbekuly ár aýdıtorııany aralap, kelýshilermen suhbattasty. Jobanyń maqsaty men mindetin túsindirdi.

Qordaı aýdanynyń Áljan ana aýylynan bastaý alǵan kóshpeli kórme jobasy Shý aýdanyna aıaldaǵannan keıin Taraz qalasynda shoqtyǵy bıik sharalarmen jalǵasatyn bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir