• USD 389.52
  • EUR 429.21
  • RUB 6.07
  • CNY 54.94
17 Qazan, 02:00:24
Prezıdenttik jastar kadr rezervine irikteýdiń kelesi kezeńine 904 qatysýshy ótti

04 Qyrkúıek, 2019 Aımaqtar

Bizdiń uran birlik pen birtutastyq

Taraz qalasyndaǵy Dostyq úıinde etnomádenı birlestik ókilderiniń QR Prezıdenti Qasym-Jomart Toqaevtyń Qazaqstan halqyna joldaǵan Joldaýyn talqylaýǵa baılanysty jıyn ótti dep jazady Qamshy.kz aqparat agenttigi. 

Basqosýǵa etnomádenı birlestikterdiń basshylary men ókilderi, Analar men Aqsaqaldar keńesteriniń jetekshileri men músheleri jáne «Jańǵyrý joly» men «Aq jelken» lıgasynyń jastary qatysty.

Jıyndy eń aldymen oblystyq Qazaqstan halqy Assambleıasy hatshylyq meńgerýshisiniń orynbasary Jasórken Jaqsylyq ashyp, Joldaýdyń mán-mazmunyna toqtalyp ótti.

Budan keıin sóz «Dnıpro» Ýkraın mádenı ortalyǵy» qoǵamdyq birlestiginiń basshysy Fedor Klımenkoǵa berilip, ol Memleket basshysy Qasym-Jomart Toqaevtyń Joldaýynyń Elbasy Joldaýlarymen saıası sabaqtastyǵyna toqtalyp ketti.

- Prezıdent Joldaýyn tyńdap otyryp erekshe kúıge bólendim. Iаǵnı, Elbasy Nursultan Ábishuly Nazarbaevtyń «Bes áleýmettik bastamasynyń» jańa úlgidegi jańǵyrýyn kórdim. Sondaı-aq Joldaýda kásipkerlerge jasalatyn jeńildikter, túrli tekseristerge jaýapty quzyrly mekemelerdiń ózderi jiti qadaǵada bolatyndyǵyn, suranysy az shtattyq birlikterdiń qysqaratynyn estip yrza boldym. Bul degenińiz memleket ashyqtyq prısıpine kóship, jańa dáýirge aıaq basyp jatyr degen sóz. Oǵan qosa Memleket basshysy til saıasatyna qatysty da oramdy oılar aıtty. Sondyqtan men bárińizdi Prezıdent Joldaýyn qoldap, ondaǵy tapsyrmalardy buljytpaı oryndaýǵ shaqyramyn, -dedi Fedor Leontevıch.

Budan keıin minberge kóterilgen «Taraz qalalyq О́zbek etnomádenı birlestiginiń» jetekshisi Abdrahman Zaınýtdınov Joldaýda azamattardyń quqyqtary men bostandyǵyna qatysty tereń oılar aıtylǵanyn aıtty.

- Joldaýdan Prezıdent Qasym-Jomart Toqaevtyń talaı jyl BUU syndy halyqaralyq uıymdarda jumys jasap, tájirıbe jınaqtaǵany anyq baıqalyp turdy. Ásirese adam quqyqtary men bostandyǵyna qatysty Memleket basshysy talapty tapsyrmalaryn berdi. Atap aıtsaq, pedofılııa, zorlyq-zombylyq syndy qylmystardyń jazasyn qataıtý týraly júktegen mindetteri tolyqtaı kóńilimnen shyqty. Sondaı-aq zańsyz ań aýlaý men tótenshe jaǵdaılar kezindegi sharalar syndy usynystary da kóptiń kókeıindegisin dóp basty. Biz Joldaýda aıtylǵan

árbir másele men onyń sheshý joldary el erteńi úshin jasalǵan qutty qadamdar dep qabyldaýymyz qajet, -dedi Abdrahman Iýldashuly.

О́z kezeginde sóz alǵan oblystyq Qazaqstan halqy Assambleıasynyń ókili Zaınýddın Mahýseev Joldaýda aýyl sharýashylyǵyn damytýǵa qatysty aıtylǵan tustardy tilge tıek etti.

Al «Jańǵyrý joly» jastar qozǵalysynyń múshesi Alına Mýhtarov Joldaýdaǵy jastarǵa jasalatyn qamqorlyqtar jaıly sóz qozǵasa, oblystyq Qazaqstan halqy Assambleıasynyń medıatory Ǵaını Kóshekbaeva Joldaý júktegen tapsyrmalar aıasynda oblys týrızimin damytý men kóne tarıhı oryndardy jańǵyrtý jónindegi oramdy oılaryn ortaǵa saldy.

Jıyn sońynda oblystyq Assambleıa músheleri Prezıdent Joldaýyn biraýyzdan qoldaıtyndaryn aıtyp, júktelgen mindetterdi minsiz oryndaıtyndaryn jetkizdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir