• USD 468.56

  • EUR 497.56

  • RUB 7.3

  • CNY 67.18

29 Naýryz, 00:00:24
Almaty
+35°

Dostar, qoldaýlaryńyz úshin taǵy da ózderińizge alǵys aıtamyn!
Osy posttan keıin ózime tóngen qaýip jóninde jazyp, sizderge salmaq salmaımyn. Biraq osy postty jarııalaýǵa tıispin.

Jýyrda meniń dostarym jáne ártúrli áleýmettik jelilerdegi oqyrmandarym aqparattyq shabýyl jasaýǵa tapsyrys beretinder men ony oryndaıtyndar týraly málimet jiberdi. Endi men kim tapsyrys beretinin, kim jospar jasap, kimniń uıymdastyratynyn, kimder oryndaıtynyn bilemin. Tipti olardyń qalaı jumys isteıtinine deıin tanys boldym. Sóıtsem, osyǵan arnaıy mashyqtanǵan úlken top bar eken. Maǵan qazirdiń ózinde 17 adamnyń aty-jóni belgili bolyp otyr. Men olardyń jumystarynyń júıesi men tetikterin bilip aldym.
Ádette, olar bul úshin jumyssyz adamdardy tartady. Kún saıyn 200-den astam jalǵan-feık akkaýnttar ashylady. Tipti kimniń taqyrypqa «ot tastaıtyny», kimniń kommentarııler jazyp, kimge jáne qalaı esep beretinine deıin oılastyrylǵan. Olardyń messendjerlerde ortaq chattary da bar. Jetekshileri olardyń jumystaryn óte sheber úılestirip otyrady. Osyndaı uıymdasqan qylmystyq toptar, qysqasy.

Olar kontentke qatysty resmı keńsege baǵynady. Olar óz aralaryndaǵy barlyq hat-habarlardy joıyp otyrady, sondyqtan olardyń baılanysyn dáleldeýdiń ózi qıyn. Olardyń kóbi tipti meniń oqyrmandarym bolyp shyqty jáne feısbýkte ártúrli taqyryptaǵy durys dúnıelerdi jazady.
Qysqasy, olar maǵan qarsy jaldanǵan blogerler men jýrnalısterdiń úlken bir uıymdasqan tobyn qospaqshy. Eger bul aqparattyq shabýyl jasalsa, men olardyń barlyq toraptary men esimderin jurtqa jarııalaı bastaımyn. Aqylǵa keledi degen úmittemin!

Dostar, aqparattyq shabýyldyń qaýpin joıý – istiń tek jartysy ǵana. Olardyń meniń únimdi shyǵarmaı qoıý nıeti joǵala qoımaıdy. Aqparattyq shabýyldan bólek, qylmystyq isterdi qozǵaýǵa qatysty birneshe eskertý, tipti fızıkalyq turǵydan joıý jónindegi bir eskertý aldym. Osyǵan baılanysty, maǵan qarsy qylmystyq is qozǵalǵan jaǵdaıda, kópshilikti eskertkim keledi:
- Burynǵy isterdiń báriniń talap qoıý merzimi bitken (10 jyldan asyp ketti)
- Odan bólek, zań boıynsha, aıyptaý qarastyrylǵan isterdi qaıtadan qarastyrýǵa ruqsat etilmeıdi.
- Sonymen qatar, mynany eske salǵanym artyq bolmas. Men eshqandaı qylmys jasaǵan emespin jáne qandaı jaǵdaıda da ózimdi kináli sanamaımyn.
Sondyqtan, qazir maǵan qarsy qozǵalatyn kez kelgen qylmystyq is áleýmettik jelilerdegi jáne telegram kanalymdaǵy jazǵandaryma qatysty saıası is bolady.
Sonymen qatar, mynany aıtqym keledi, eger maǵan qatysty qandaı da bir jazataıym oqıǵa bolsa (Allah saqtasyn), bul – tikeleı tapsyrys. Tapsyrys berýshilerdiń aty-jónderin men qaýipsiz jerge saqtap qoıamyn jáne ondaı jaǵdaı oryn alsa, ol aqparattyń bári jarııalanady.
Barlyqtaryńyzǵa taǵy da alǵys aıtamyn! Sizderdi mezi qylmadym degen oıdamyn.
Bári osy shyǵar. Men qolymnan kelgenniń bárin jasadym, qalǵany Allanyń qolynda.

Marǵulan Seısembaıdyń feısbýk paraqshasynan alynǵan

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir