• USD 378.65
  • EUR 430.07
  • RUB 6
  • CNY 55.1
19 Qyrkúıek, 03:06:51
Shashyrap júrgen qazaqty búgin kóshirip almasaq, erteń joǵaltyp alýymyz múmkin

04 Qyrkúıek, 2019 Aımaqtar

Han Kenege qurmet - qazaqtyń ótkenine qurmet

Ataqty Abylaı hannyń nemeresi, qazaqtyń sońǵy hany Kenesary hanǵa arnalǵan memorıal da Jambyl oblysynyń óńirlik qasıetti nysannyń biri sanalady. Bul eskertkish Kenesary hannyń mert bolǵan jerinde ornatylǵan, dep jazady Qamshy.kz aqparat agenttigi. 

Kenesary han 1802 jyly ataqty Abylaıdyń balasy Qasym sultannyń otbasynda dúnıe esigin ashqan. Bala kúninen at qulaǵynda oınap, quralaıdy kózge atqan mergendikti janyna serik etken Kenesary óse kele batyldyǵymen, ádildigimen kózge túsedi. Onyń qaharmandyǵy óz aldyna bir tóbe.

1841 jyldyń qyrkúıeginde Kenesary úsh júzdiń ókilderi jıynynda qazaq halqynyń tizginin qolyna alady. Halyq ony aq kıizge kóterip han saılaıdy. Halyqtyń zor senimimen qýattandaǵa Kenesarynyń áskeri Qoqan handyǵynyń ıeligindegi Sozaq, Jańaqorǵan, Aqmeshit qamaldaryn shabýyl jasap, olardy ıelikterine ótkizedi. Kenesarynyń ult azattyq kóterilisinen qaımyqqan Reseı úkimeti oǵan qarsy áskerı joryqtar jasaı bastaıdy. Keskilesken urystardyń birinde Kenesary áskeri basymdyqqa ıe bolsa, endi birinde áskerı áleýeti basym patsha sarbazdary qazaq jaýyngerlerin Jetisýǵa shegindirdi. Al bul aımaqta Kenesary áreketine qyrǵyz manaptary qarsy shyǵa bastaıdy.

Osylaısha 1847 jyly qyrǵyz manaptary men Vıshnevskııdiń otrıady jáne Qoqan handyǵynyń áskerleri Ystyqkól men Shý ózeniniń joǵarǵy aǵysy aralyǵynda Kekilik seńgir taýynyń qoınaýyndaǵy «Almaly saı» shatqalynda Kenesarynyń sarbazdaryn úsh jaqtan qorshaýǵa alady. Taýly aımaqta jaýǵa turýǵa daǵdylanbaǵan ári qorshaýda qalǵan han Keneniń sarbazdary esh aıla jasaı almady. Osy urysta Kenesary han 32 qazaq sultanymen birge tutqynǵa túsip, qaza tabady.

Qazirgi Qordaı aýdany, Qarakemer aýylynyń ońtústik – shyǵysynda 14 shaqyrym jerdegi, Qarakemer-Qarasaı batyr tas jolynyń sol jaq betinde Kenesary hanǵa arnalǵan memorıal ornalasqan. Bul memorıal Eskertkish 2006 jyly Kenesary hannyń mert bolǵan jerine jáne maıdandas batyrlaryna arnap ornatylǵan. Memorıal alańy bıik tóbeni qorshap, ortasyna kólemi 2,4 metr, bıikitigi 6 metr betonnan quıylyp qyzyl mármár taqtalarymen qaptalǵan eskertkish taqta ornatylǵan. Eskertkishtiń aınalasynda Kenesary hannyń opat bolǵan sarbazdarynyń esimderi men qazaq rýlarynan estelik jazylǵan eskertkish tastar qoıylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir