Jambyldyqtar Prezıdent Joldaýynan týyndaǵan mindetterdi talqylady

Búgin Jambyl oblysy ákimdigi ǵımaratynyń májilis zalynda Qazaqstan Respýblıkasynyń Prezıdenti Q.K.Toqaevtyń 2019 jylǵy 2 qyrkúıektegi «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna arnaǵan Joldaýyn túsindirý boıynsha oblystyq aktıv jıyny ótti.

Joldaýda qamtylǵan mańyzdy baǵyttardy, áleýmettik saladaǵy otbasy ınstıtýtyn qoldaý men ınklıýzıvti qoǵam qurý, bilim berý, medısınalyq qyzmettiń qoljetimdiligi men sapaly bolýyn qamtamasyz etý, mádenıet qyzmetkerlerin qoldaý, áleýmettik qoldaý júıesiniń damýy, otandyq zeınetaqy júıesin damytý syndy ózekti máselelerdi sheshý baǵyttaryn qarastyrýdy maqsat etken jıynda atalǵan baǵyttaǵy tapsyrmalardyń júzege asyrylýyn oryndaýda jaýapkershgilikti kúsheıtý jáne naqty sharalar qabyldaý qajettigin túsindirildi.

Ideologııalyq aktıv jınalysyna oblys ákiminiń orynbasarlary, maslıhat depýtattary, aýdandar ákimderi, oblys ákimdiginiń basqarma, aýmaqtyq departamentter,  quqyq qorǵaý organdary, joǵary oqý oryndarynyń basshylary, saıası partııalar, etnomádenı ortalyqtar, úkimettik emes uıymdar, jastar birlestikteri, buqaralyq aqparat quraldary ókilderi men oblystyq aqparattyq top músheleri qatysty.

Aktıv jıynynda áýeli oblys ákimi A.Myrzahmetov sóz sóılep, Joldaýdyń basym baǵyttaryna toqtaldy. Sonymen qatar, Joldaýdy oblysta iske asyrý boıynsha negizgi baıandamany oblys ákiminiń orynbasary S.Qurmanbekova jasady.

Sondaı-aq, Jambyl oblysy kásipkerler palatasynyń dırektory O.Qarjaýov, M.H.Dýlatı atyndaǵy Taraz memlekettik ýnıversıtetiniń rektory, professor M.Sarybekov, Qazaqstan Respýblıkasynyń Memlekettik qyzmet isteri agenttigi Jambyl oblysy boıynsha departamenti basshysynyń mindetin atqarýshy N.Erkebaev, «Jastar zertteý» jastar qoǵamdyq birlestiginiń tóraıymy, saıasattanýshy P.Mamedova, «Nur Perızat» múgedekter qoǵamdyq birlestiginiń tóraǵasy S.Baıtasov óz salalary boıynsha Joldaýdyń baǵyttaryna sáıkes tapsyrmalardyń júzege asyrylýy týraly qabyldanatyn sharalar men atqarylatyn jumys josparlarymen tanystyrdy.

Aıta keteıik, Jambyl oblysynda Joldaýdy túsindirý boıynsha quramynda 102 múshesi bar 11 oblystyq aqparattyq top quramy jasaqtaldy. Aktıv jıynynda aqparattyq top músheleriniń aýdandarda halyqpen kezdesý kestesi tanystyryldy.

Bekitilgen kestege sáıkes, top músheleri 6 qyrkúıekten bastap jyl sońyna deıin oblystyń 50-den astam eldi mekenderine shyǵyp, mekemelerde, eńbek ujymdarynda, oqý oryndarynda, kásiporyndar men mádenıet úılerinde túsindirý jumystaryn júrgizip, is-sharalarǵa 15 myńnan astam adam qamtylady dep kútilýde.

Joldaýda aıtylǵan mindetterdi oryndaý boıynsha oblystyq                 is-sharalar jospary ázirlenip, qajetti sharalar qabyldanatyn bolady. 

Jıyn sońynda birqatar azamattar jaryssózge shyqty.