• USD 378.65
  • EUR 430.07
  • RUB 6
  • CNY 55.1
19 Qyrkúıek, 02:58:37
Shashyrap júrgen qazaqty búgin kóshirip almasaq, erteń joǵaltyp alýymyz múmkin

05 Qyrkúıek, 2019 NEWS

Jastarǵa arnalǵan páterdi alý tártibi qandaı?

Qazaqstanda jumys isteıtin 29 jasqa tolmaǵan jastarǵa turǵyn úıdi satyp alý quqyǵynsyz jalǵa berý erejeleri bekitildi, dep habarlaıdy Qamshy.kz aqparat agenttigi 24.kz-ke silteme jasap.

Ákimdikter men buqaralyq aqparat quraldarynda qujattardy tapsyrý merzimi týraly habarlandyrýlar jarııalaǵannan keıin úmitkerler myna qujattardy Jastar saıasaty máseleleri basqarmasyna tapsyrý kerek:

–  О́tinish. 

– Jeke kýáliktiń kóshirmesi 

– Dıplomnyń kóshirmesi 

– Neke týraly kýáliktiń kóshirmesi (bar bolǵan jaǵdaıda). 

– Balalardyń týý týraly kýáliginiń kóshirmesi (bar bolǵan jaǵdaıda). 

– О́tinish berýshide jáne otbasy múshelerinde jyljymaıtyn múliktiń joqtyǵy týraly anyqtama 

– Jumys ornynan anyqtama 

– Sońǵy 6 aıdaǵy kirister týraly anyqtama (kirisi keminde 40 AEK nemese 101 myń teńge bolýy kerek). 

– Eńbek ótilin rastaıtyn qujattar. 

– Banktik shot nómiri týraly anyqtama 

– Bank shotyndaǵy aqsha qarajatynyń qaldyǵy men qozǵalysy týraly esep.

– О́tinish berýshiniń jeke jetistikteri týraly qujattar (bar bolǵan jaǵdaıda).

Qujattar bes jumys kúni ishinde tekserilýi kerek. Eger ótinish berýshiden barlyq anyqtamalar jınalmasa, taǵy bir kún beriledi. Sodan keıin on jumys kúni ishinde ákimdik upaılardy eseptep, talapkerlerdiń tizimin jasaıdy. Neǵurlym kóp upaı bolsa, páter alý yqtımaldyǵy soǵurlym joǵary bolady.

Upaılar qalaı beriledi:

Eger sizdiń mamandyǵyńyz «Eńbek» memlekettik baǵdarlamasyna sáıkes jumyspen qamtý jónindegi ýákiletti organ bekitken 100 tanymal mamandyqtardyń tizimine engizilgen bolsa – 10 upaı;

Otbasynyń bolýy úshin – 5 upaı;

Eger siz jeke kásipker retinde keminde bir jyl jumys isteseńiz – 5 upaı, odan keıingi ár jyl úshin – 1 upaı;

Tirkelgen nekedegi ár jyl úshin – 2 upaı;

Eger sizde bir bala bolsa – 1 upaı, odan keıingi árbir bala úshin – 2 upaı;

Ártúrli qyzmet salalarynda jeke jetistikteri bar bolǵan jaǵdaıda – 2 upaı;

Memlekettik mekemeler men kásiporyndardaǵy jumys úshin – 5 upaı, ár qyzmet jyly úshin – 1 upaı;

Depozıt jınaqtaǵandaǵy ár jyl úshin – 2 upaı;

Talapkerlerdiń upaılary teń bolǵan jaǵdaıda, ótinishti erte bergen úmitkerge basymdyq beriledi.

Ákimdikte baspana berý týraly sheshim qabyldanǵannan keıin 15 kúntizbelik kún ishinde eńbek sharty jasalady. Páterler satyp alý quqyǵynsyz 5 jylǵa beriledi.

Eske salaıyq, jyl saıyn Nur-Sultan, Almaty jáne Shymkent qalalarynda jumys isteıtin jastarǵa 3 myń jaldamaly páter beriledi. Sonymen qatar 2022 jyldan bastap mundaı turǵyn úılerdiń Qazaqstannyń ózge de aımaqtarynda beriletini belgili boldy.


Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir