• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:19:53
Qazaqstanda másele sheshilý úshin aldymen adam ólý kerek

05 Qyrkúıek, 2019 NEWS

Jeńis Qasymbek: Qytaıdan elge eshqandaıda "las" nemese eski kásiporyn kelmeıdi

Onyń aıtýynsha, jobalar týraly barlyq aqparat Indýstrııa jáne ınfraqurylymdyq damý mınıstrliginiń resmı saıtynda tur.

QR Premer-mınıstriniń orynbasary Jeńis Qasymbek Qazaqstan aýmaǵynda salynatyn Qytaı zaýyttaryna qatysty túsinik berdi, dep habarlaıdy Qamshy.kz aqparat agenttigi  Zakon.kz saıtyna silteme jasap.

Úkimet úıindegi baspasóz máslıhatynda Jeńis Qasymbek ındýstrııalandyrý aıasynda júzege asyrǵaly otyrǵan 55 qazaq-qytaı birlesken jobasy bar ekenin aıtty. Onyń sózinshe, Qytaıdan eshqandaıda zaýyt kóshirilmeıdi, jobalardyń barlyǵy jańadan salynady.

"Ár nysan boıynsha naqty aıta alamyn. Jýyrda ǵana Qapshaǵaı mańynda kún energııasy óndiriletin balamaly energetıkalyq stansa salyndy. Onda isteıtin 30 jumysshynyń barlyǵy Qazaqstan azamattary. Biz birtindep balamaly energetıkaǵa ótemiz. Jyl sońyna deıin kún jáne jel energııasy esebinen 1000 megavatt energııa óndiriledi. Bul álemdik trend. Biz odan tys qala almaımyz. Osylaı ár kásiporyn týraly tolyq aqparat bere alamyn" dedi ol.

Onyń aıtýynsha, jobalar týraly barlyq aqparat Indýstrııa jáne ınfraqurylymdyq damý mınıstrliginiń resmı saıtynda tur.

"Bul derekter jelide, mınıstrlik saıtynda osydan eki jyl buryn shyqqan. Eshqandaı qupııa joq. Aıta ketkim keletini, Qytaıdan elge eshqandaıda "las" nemese eski kásiporyn kelmeıdi. Barlyq kásiporyndar jańa. Osy zaýyttar aıasynda 20 myń jumys ornyn ashý josparlanǵan" dep atap ótti Qasymbek.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir