04 Qyrkúıek, 2019 NEWS
Aıagózdegi balalarǵa arnaıy áleýmettik qyzmet kórsetý ortalyǵyndaǵy jaǵdaı týraly
Atalǵan istiń qoǵamdyq rezonans týdyrýyna baılanysty sotqa deıingi tergeý materıaldary oblystyq Polısııa departamentiniń tergeý basqarmasyna tapsyryldy.
Aıagóz qalasyndaǵy "Balalarǵa arnalǵan arnaıy áleýmettik qyzmet kórsetý ortalyǵy" KMM bolǵan jaǵdaıǵa baılanysty oblys ákimi D.K. Ahmetovtyń 2019 jylǵy 29 tamyzdaǵy ókimimen qurylǵan komıssııa jumysy aıasynda 3 qyrkúıek kúni Aıagóz qalasyna oblys prokýrorynyń orynbasary E.Jubanov, polısııa departamenti bastyǵynyń orynbasary E.Zákimov, oblys ákiminiń orynbasary Á.Núsipova keldi.
Sapardyń maqsaty – mekemeni tekserýge kiristirilgen quzyretti organdardyń jumysymen jáne tergeý barysymen tanysý.
Olar Aıagóz aýdandyq polısııa bóliminde jumys keńesin ótkizip, nátıjesi boıynsha birqatar usynystar jasady. Sonyń ishinde Qazaqstan Respýblıkasy Densaýlyq saqtaý mınıstrliginiń ókilderin tarta otyryp ortalyqtyń barlyq tárbıelenýshilerin qaıta medısınalyq tekserýden ótkizý bastamasy bar. Oblys ákimi tıisti qoldaýhatqa qol qoıdy.
Atalǵan istiń qoǵamdyq rezonans týdyrýyna baılanysty sotqa deıingi tergeý materıaldary oblystyq Polısııa departamentiniń tergeý basqarmasyna tapsyryldy. Qadaǵalaýdy oblys prokýratýrasy júrgizedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir