Halyq narazylyǵy: Jańaózenge jańa ákim taǵaıyndaldy

Jańaózen qalasynyń ákimi bolyp Maqsat Ibaǵarov taǵaıyndaldy. Bul týraly Mańǵystaý oblysy ákiminiń baspasóz hatshysy Samat Súleı málim etti.

Al bul taǵaıyndaýdyń astarynda ne jatyr? Jańaózennen keshe bastalǵan qarsylyq búginnen bastap, búkil respýblıkany sharlap jatyr. Qazir Almaty men Astanada jáne Aqtóbede, sonymen qatar respýblıkanyń birqatar qalalarynda narazylyq aksııasy jalǵasyp jatyr. Al Maqsat Ibaǵarovtyń Jańaózen qalasyna ákim bolyp taǵaıyndalýy halyqtyń narazylyǵynan keıin oryn aldy ma, joq álde basqalaı syry bar ma?  Ol jaǵy endi belgisiz. Biraq «Qytaı ekspansııasyna» qarsylyq búgin Qazaqstannyń birneshe qalalarynda ótip jatqany, ol endi aqıqat.
Al ákimdikke jańadan kelgen Ibaǵarov kim?

Maqsat Ońǵarbaıuly Ibaǵarov 1970 jyly 7 sáýirde Túrikmenstan Respýblıkasy Tashaýz oblysynda dúnıege keldi. Jańaózen qalasyndaǵy munaı jáne gaz tehnıkýmyna túsip, 1992 jyly munaı jáne gaz uńǵylaryn paıdalaný mamandyǵy boıynsha atalmysh oqý ornyn úzdik dıplommen bitirdi. 1999 jyly Sh.Esenov atyndaǵy Aqtaý Memlekettik Ýnıversıtetin bitirip, taý-ken ınjeneri mamandyǵyn aldy.  
Eńbek jolyn 1992 jyly «О́zenmunaıgaz» óndiristik birlestiginde skvajınalardy jerasty jóndeý operatory qyzmetinen bastady. 1994 jyldan – skvajınalardy jerasty jóndeý sheberi, munaı jáne gaz óndirý sheberi, jetekshi ınjener-tehnolog qyzmetterin atqaryp keldi. 1996 jyly №1 MGО́B №8 munaı jáne gaz óndirý sehy bastyǵynyń orynbasary, №2 munaı jáne gaz óndirý sehynyń bastyǵy bolyp eńbek etti.  2000 jyldan bastap «О́zenmunaıgaz» AQ qarasty tájirıbeli-eksperımentaldyq óndiristik basqarmanyń bas ınjeneri. 2001 jyldan – №2 munaı-gaz óndirý basqarmasy bastyǵynyń orynbasary, burǵylaý, skvajınalardy jóndeý bóliminiń jetekshi ınjeneri. 2002-2008 jyldary - №1, №3 munaı-gaz óndirý basqarmasynyń bas ınjeneri, №2, №4 munaı-gaz óndirý basqarmalarynyń bastyǵy qyzmetterin atqaryp keldi. 2008 jyly «О́zenmunaıgaz» О́F personaldy basqarý jáne damytý bóliminiń bastyǵy. 2009-2010 jyldary «О́zenmunaıgaz» О́F jumysshylarynyń kásipodaǵy» QB tóraǵasy bolyp saılanyp, qoǵamdyq jumystarmen belsendi aınalysty. 2010-2013 jyldary №2 munaı-gaz óndirý basqarmasynyń bastyǵy.  2013 jyldan «О́zenMunaıGaz» AQ bas dırektory bolyp qyzmet etip keledi.
2012 jyldan Mańǵystaý oblystyq Máslıhat depýtaty (5 shaqyrylym).
Otan aldyndaǵy eren eńbekteri úshin ár túrli medaldarmen marappatalǵan.
«NurOtan» partııasynyń belgisimen, «Mańǵystaý munaıyna 50 jyl», «О́zen kenornyna 40 jyl», «Jańaózen qalasyna 40 jyl», «QR munaı-gaz kesheni qyzmetkerleri kásipodaǵynyń úzdigi» medaldarymen, Energetıka jáne mıneraldy resýrstar mınıstrliginiń Qurmet gramotasymen marapattalǵan.