Elordada Azııa elderi qalamgerleriniń I forýmy ótip jatyr (vıdeo)

Alqaly jıynǵa 38 elden uzyn yrǵasy 80-ge jýyq jazýshy keldi. Arasynda Nobel syılyǵynyń nomınanttary da bar. Tuńǵysh ret uıymdastyrylǵan forýmǵa Memleket basshysy Qasym-Jomart Toqaev ta qatysady.

Forýmǵa Azııa elderiniń 300-ge jýyq aqyn-jazýshysy keldi. Olardyń ishinde Nobel syılyǵynyń laýreattary, ulttyq jáne memlekettik syılyqtardyń ıegerleri, jazýshylar odaqtary men qaýymdastyqtarynyń tóraǵalary da bar. Jıynnyń negizgi maqsaty – Azııa elderi arasyndaǵy ádebı-mádenı baılanystardy nyǵaıtý jáne tájirıbe almasý.

Forýmnyń plenarlyq otyrysyna Nobel syılyǵynyń nomınanttary Ko Yn (Ońtústik Koreıa), Moza ál-Malkı (Qatar), Mend-OOEO (Mońǵolııa), Ońtústik Azııa halyqaralyq syılyǵynyń laýreaty Amar Mıtra (Úndistan), Ázerbaıjannyń halyq jazýshysy Anar Rasýl Rzaev jáne taǵy basqa tanymal tulǵalar baıandama jasaıdy.

Astanada jınalǵan qalamgerler qaýymy ádebıet salasyndaǵy ózekti máselelerdi talqylap qana qoımaı, Azııa avtorlarynyń quqyqtaryn qorǵaıtyn ortaq uıym qurý jaıyn da qarastyrady. Azııa elderiniń qalamgerleri arasynda halyqaralyq syılyq taǵaıyndaý bastamasy da talqyǵa salynady.

Forým baǵdarlamasynda TED formatyndaǵy forsaıt sessııalar, tanymal jazýshylardyń sheberlik sabaqtary, "Qalamgerler" alleıasynyń ashylýy, jas aqyn-jazýshalarmen kezdesýler jáne taǵy basqa sharalar josparlanǵan.